খ্ৰীষ্টান হিচাপে জীৱন-যাপন
‘ইতৰ দেৱতাবোৰ দূৰ কৰা’
যদিও যাকোবক আন দেৱতাক উপাসনা কৰাৰ বিষয়ে তেতিয়ালৈকে কোনো নিয়ম দিয়া নাছিল, তথাপিও যাকোবে জানিছিল যে যিহোৱা ঈশ্বৰে কেৱল তেওঁকহে উপাসনা কৰাটো বিচাৰে। (যাত্ৰা ২০:৩-৫) সেইবাবে, যেতিয়া তেওঁক যিহোৱাই বৈৎএললৈ যাবলৈ কৈছিল, তেতিয়া যাকোবে সকলোকে মূৰ্ত্তিবোৰৰপৰা আঁতৰি থাকিবলৈ পৰামৰ্শ দিলে। তাৰ পাছত যাকোবে মূৰ্ত্তি আৰু তাৰ লগত জড়িত থকা সকলো কাণৰ কুণ্ডলবোৰ নষ্ট কৰিলে। (আদি ৩৫:১-৪) নিসন্দেহ, যিহোৱাই যাকোবৰ এই কাৰ্য্যৰপৰা আনন্দিত হৈছিল।
যাকোবৰ দৰে আমিও কেনেকৈ কেৱল যিহোৱাকহে উপাসনা কৰিব পাৰোঁ? প্ৰথমে, আমি মূৰ্ত্তিপূজা আৰু মায়াকৰ্ম্মৰ লগত জড়িত থকা সকলো বস্তুবোৰৰপৰা আঁতৰি থকা উচিত। ইয়াৰ উপৰিও অলৌকিক কাৰ্য্য আৰু মনোৰঞ্জনৰ ক্ষেত্ৰতো আমি সাৱধান হোৱা উচিত। উদাহৰণস্বৰূপে, নিজকে সোধক: ‘মই মনোৰঞ্জনৰ কাৰণে অলৌকিক কাৰ্য্যৰ লগত জড়িত থকা কিতাপ বা চিনেমা ব্যৱহাৰ কৰোঁনে?’ মোৰ মনোৰঞ্জনত যাদুবিদ্যা, তন্ত্ৰ-মন্ত্ৰ বা ক্ষতিকাৰক ধেমালি জড়িত আছেনে? আমি যিহোৱাই ঘৃণা কৰা সকলো বস্তুবোৰৰপৰা আঁতৰি থকা উচিত।—গীত ৯৭:১০.
“চয়তানক প্ৰতিৰোধ কৰক” নামৰ ভিডিঅʼখন চাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:
-
পেলিচা নামৰ বাইবেল বিদ্যাৰ্থীৰ জীৱনত কি সমস্যা আহিছিল?
-
আপুনি বা আপোনাৰ বিদ্যাৰ্থীয়ে মায়াকৰ্ম্মৰ লগত জড়িত থকা সমস্যাৰ সন্মুখীন হʼলে, প্ৰাচীনসকলৰ সহায় লোৱা কিয় প্ৰয়োজন?
-
যদি আমি যিহোৱাৰপৰা ৰক্ষা পাব বিচাৰোঁ, তেনেহʼলে আমি কিহৰপৰা আঁতৰি থকা উচিত?
-
পেলিচাই কি নিৰ্ণয় ললে?
-
আপুনি যʼত বাস কৰে, সেই ঠাইৰ দুষ্ট আত্মাৰ প্ৰভাৱৰপৰা ৰক্ষা পাবলৈ কিছুমান উপায় কি?