আমাৰ মণ্ডলীত এনে বহুতো ভাই-ভনী আছে, যিসকলে বহুসময়ৰপৰা যিহোৱাৰ সেৱা কৰি আছে। তেওঁলোকে এতিয়াও যিহোৱাৰ ওপৰত ভৰসা কৰে আৰু তেওঁলোকৰপৰা আমি বহুতো কথা শিকিব পাৰোঁ। আমি তেওঁলোকক যিহোৱাৰ সংগঠনৰ ইতিহাসৰ বিষয়ে সুধিব পাৰোঁ আৰু আমি এয়াও সুধিব পাৰোঁ যে তেওঁলোকে কেনেধৰণৰ সমস্যাৰ সন্মুখীন হৈছিল আৰু যিহোৱাই তেওঁলোকক কেনেকৈ সহায় কৰিলে। আমি নিজৰ পাৰিবাৰিক উপাসনাত কোনো বৃদ্ধ ভাই বা ভনীক নিমন্ত্ৰণ কৰিব পাৰোঁ আৰু তেওঁলোকৰ অনুভৱ সুধিব পাৰোঁ।

যদি আপুনি এজন অনুভৱী খ্ৰীষ্টান হয়, তেনেহʼলে নিজৰ বিশ্বাসৰ বিষয়ে ডেকা খ্ৰীষ্টানসকলক জনাওক। যাকোব আৰু যোচেফে নিজৰ অভিজ্ঞতাৰ বিষয়ে নিজৰ সতি-সন্ততিসকলক জনাইছিল। (আদি ৪৮:২১, ২২; ৫০:২৪, ২৫) আগলৈ যিহোৱাই পৰিয়ালৰ মূৰব্বীসকলক তেওঁৰ মহান কাৰ্য্যৰ বিষয়ে নিজৰ সন্তানসকলক জনাবলৈ আজ্ঞা দিছিল। (দ্বিতী ৪:৯, ১০; গীত ৭৮:৪-৭) আজিও পিতৃ-মাতৃ আৰু মণ্ডলীৰ আন খ্ৰীষ্টানসকলে ডেকা ভাই-ভনীসকলক যিহোৱাৰ সংগঠনত তেওঁলোকে কি কি আচৰিত কাৰ্য্য দেখিছে, তাৰ বিষয়ে জনাব পাৰে।

প্ৰতিবন্ধক থকাৰ সত্ত্বেও একতা বজাই ৰাখক নামৰ ভিডিঅʼখন চাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:

• অষ্ট্ৰিয়া শাখা কাৰ্য্যালয়ে প্ৰচাৰ আৰু উপাসনা কৰিবলৈ স্বতন্ত্ৰতা নথকা সেই দেশৰ ভাই-ভনীসকলক কেনেকৈ সহায় কৰিছিল?

• এই দেশৰ ভাই-ভনীসকলে নিজৰ বিশ্বাস কেনেকৈ দৃঢ় কৰি ৰাখিলে?

• ৰুমানিয়াত কিছুমান প্ৰচাৰকে যিহোৱাৰ সংগঠনৰপৰা নিজকে কিয় পৃথক কৰিছিল? তেওঁলোকে কেনেকৈ পুনৰ সংগঠনলৈ উভটি আহিল?

• এই অনুভৱবোৰৰপৰা আপোনাৰ বিশ্বাস কেনেকৈ দৃঢ় হয়?