আলোচনাৰ বাবে আৰ্হি বৰ ভাবি-চিন্তি তৈয়াৰ কৰা হয় আৰু এই আৰ্হি ব্যৱহাৰ কৰি বহুতো প্ৰচাৰকে ভালদৰে প্ৰচাৰ কৰিব পাৰিছে। কিন্তু সকলো এলেকাৰ পৰিস্থিতি একে নহয়। সেইবাবে, প্ৰচাৰত আপুনি নিজৰ এলেকাৰ লোকসকলৰ আগ্ৰহৰ অনুসৰি বিষয়, প্ৰশ্ন, পদ আৰু পৰৱৰ্তী সাক্ষাতৰ বাবে প্ৰশ্ন, এই সকলো সলনি কৰিব পাৰে। অথবা আপুনি বিষয়টোৱে সম্পূৰ্ণৰূপে সলনি কৰিব পাৰে। কিন্তু বিশেষ অভিযানৰ বাবে দিয়া নিৰ্দেশনাবোৰ আমি পালন কৰা উচিত। আমি যেনেদৰে প্ৰচাৰ নকৰোঁ কিয়, যীচুৰ আজ্ঞা পালন কৰি ৰাজ্যৰ শুভবাৰ্তা প্ৰচাৰ কৰাটোৱেই হৈছে আমাৰ সকলোৰে লক্ষ্য।—মথি ২৪:১৪.

কিন্তু সভাত যেতিয়া আপুনি বিদ্যাৰ্থী ভাগ আগবঢ়ায়, তেতিয়া আপুনি আলোচনাৰ বাবে আৰ্হিত দিয়া বিষয়টো ব্যৱহাৰ কৰা উচিত। আপুনি যদি বিচাৰে, নিজৰ এলেকাৰ অনুসৰি প্ৰশ্ন, পদ আৰু পৰৱৰ্তী সাক্ষাতৰ বাবে প্ৰশ্ন বা ধৰণ সলনি কৰিব পাৰে। যদি কোনো এটা ভাগ পৰিৱৰ্তন কৰিব নালাগে, তেনেহʼলে ইয়াৰ বিষয়ে আগতীয়াকৈ জনাই দিয়া হʼব। বিদ্যাৰ্থী ভাগৰ বাবে আগতে আমি জুন ২০২০ চনৰ সভা-পুস্তিকাৰ ৮ পৃষ্ঠাত দিয়া নিৰ্দেশনা পালন কৰিছিলোঁ। কিন্তু এতিয়া আমি এই লেখত দিয়া নিৰ্দেশনা পালন কৰিম।