আপোনাৰ বয়স ২৩-ৰপৰা ৬৫ হয়নে? আপুনি পূৰ্ণসময়ৰ সেৱা কৰিব বিচাৰেনে? আপোনাৰ স্বাস্থ্য ভালে আছেনে? যʼত বেছি প্ৰয়োজন সেই এলেকাত আপুনি সেৱা কৰিব বিচাৰেনে? যদি “হয়” তেনেহʼলে আপুনি “ৰাজ্য প্ৰচাৰকসকলৰ স্কুলৰ” আবেদন পত্ৰখন পূৰ কৰিব বিচাৰেনে? এতিয়ালৈকে হাজাৰ-হাজাৰ দম্পত্তি আৰু অবিবাহিত ভাই-ভনীয়ে এই স্কুলৰপৰা বহুতো শিক্ষা লাভ কৰিছে। আৰু এই স্কুলত বহুতো অবিবাহিত ভাইসকলে আবেদন কৰাটো আমি বিচাৰোঁ। যিহোৱাৰ উদ্দেশ্য পূৰ কৰিবলৈ আপোনাৰ ইচ্ছা জাগৃত কৰিবলৈ আৰু যীচুৰ আৰ্হি অনুকৰণ কৰিবলৈ যিহোৱালৈ প্ৰাৰ্থনা কৰক। (গীত ৪০:৮; মথি ২০:২৮; ইব্ৰী ১০:৭) ইয়াৰ পাছত চিন্তা কৰক যে আপোনাৰ এই নিৰ্ণয়ক কি কথাই বাধা দিব পাৰে আৰু ইয়াক কেনেকৈ পাৰ কৰিব।

এই স্কুলত উপস্থিত হোৱা কিছুমান ভাই-ভনীক এনে ঠাইত পঠোৱা হয়, যʼত বেলেগ ভাষা কয়। আন কিছুমান ভাই-ভনীক ৰাজহুৱাভাৱে সাক্ষ্য দিবলৈ বিশেষ ব্যৱস্থা কৰা নগৰবোৰত পঠোৱা হয়। কিছুমান ভাইসকলে আগলৈ গৈ চাবচটিটিউট চাৰ্কিট ওভাৰচিয়াৰ, চাৰ্কিট ওভাৰচিয়াৰ আৰু পূৰ্ণসময়ৰ প্ৰচাৰ কৰা মিচনেৰী হিচাপে সেৱা কৰি আছে। যিহোৱাৰ সংগঠনত বহুতো কাম আছে, আপুনিও ভৱিষ্যতবক্তা যিচয়াৰ দৰে উৎসাহ দেখুৱাই এইদৰে কʼব পাৰে, “মই আছোঁ, মোকে পঠাওক।”—যিচ ৬:৮.

পূৰ্ণসময়ৰ প্ৰচাৰ কৰা মিচনেৰীসকল—শস্য দোৱাৰ বনুৱা হয় নামৰ ভিডিঅʼখন চাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:

• পূৰ্ণসময়ৰ প্ৰচাৰ কৰা মিচনেৰীসকলক কেনেকৈ নিযুক্ত কৰা হয়?

• মিচনেৰী ভাই-ভনীসকলে কি ভাল কাম কৰি আছে?

• মিচনেৰী সেৱা কৰা ভাই-ভনীসকলে কি কি আশীৰ্বাদ লাভ কৰিছে?