যিসকল লোকৰ মাজত মৰম-স্নেহ থাকে, এজনে-আনজনক প্ৰেম কৰিলে আৰু এজনে-আনজনক সন্মান কৰে তেওঁলোকক বন্ধু বুলি কোৱা হয়। কিয়নো তেওঁলোকে এজনে-আনজনক প্ৰেম কৰে আৰু সন্মান কৰে। উদাহৰণস্বৰূপে, দায়ূদে গলিয়াথক হত্যা কৰাৰ পাছৰেপৰা দায়ূদ আৰু যোনাথনৰ মাজত ঘনিষ্ঠ বন্ধুত্ব হʼল। (১চমূ ১৮:১) দুয়োজনৰ মাজত বহুতো ভাল গুণ আছিল, সেইবাবে তেওঁলোকে বন্ধু হʼব পাৰিলে। ইয়াৰপৰা বুজিব পাৰি যে কাৰোবাৰ লগত বন্ধুত্ব কৰিবলৈ হʼলে আমি তেওঁক ভালদৰে জানিব লাগিব। এনে কৰিবলৈ সময় আৰু পৰিশ্ৰমৰ প্ৰয়োজন। কিন্তু চʼচিয়েল মিডিয়াত লোকসকলে মোবাইলৰ বুটাম টিপিলেই বহুতো পাতিব পাৰে। কিন্তু তেওঁলোক সঁচা বন্ধু নহয়। কিয়নো তেওঁলোকে নিজৰ পৰিচয় লুকুৱাই ৰাখে আৰু আনক আনন্দিত কৰিবলৈ মিছা কথা কয়। সেইবাবে, আমি চʼচিয়েল মিডিয়াত ভাবি-চিন্তি বন্ধু পতা উচিত। যদি কোনোবাই আপোনাক ফ্ৰেণ্ড ৰিকুৱেষ্ট পঠায় আৰু আপুনি তেওঁক চিনি পায়, কিন্তু ভালদৰে চিনি নাপায়, তেনেহʼলে আপুনি তেওঁৰ ৰিকুৱেষ্ট ডিলিট কৰিব পাৰে। এইদৰে কৰিলে তেওঁ বেয়া পাব বুলি নাভাবিব। চʼচিয়েল মিডিয়াৰ বিপদৰপৰা বাচিবলৈ কিছুমান লোকে ইয়াক ব্যৱহাৰে নকৰে। যদি আপুনি চʼচিয়েল মিডিয়া ব্যৱহাৰ কৰিম বুলি ভাবিছে, তেনেহʼলে আপুনি কি কি কথা মনত ৰখা উচিত?

বুদ্ধিমত্তাৰে চʼচিয়েল মিডিয়া ব্যৱহাৰ কৰক নামৰ ভিডিঅʼখন চাওক আৰু তলত দিয়া প্ৰশ্নবোৰৰ উত্তৰ দিয়ক:

• কোনো ফটো দিয়া বা কিবা লিখাৰ আগতে আপুনি কি কি কথা মনত ৰখা উচিত?

• আপুনি চʼচিয়েল মিডিয়াত কিয় ভাবি-চিন্তি বন্ধু পতা উচিত?

• আপুনি চʼচিয়েল মিডিয়াত কিমান সময়ত অতিবাহিত কৰিব, তাৰ বিষয়ে আগতীয়াকৈ কিয় সময় নিৰ্ধাৰণ কৰা উচিত?—ইফি ৫:১৫, ১৬