Abdías 1:1-21
1 Abdías* chachajja, Taqe Kunjjar Munañani Jehová Dios Tatitutwa Edom+ markat parlir mä visión katoqäna.
Abdías chachajj akham siwa:
“Jehová Diosajj mä yatiyäwi jiwasarojj yatiyistu,markanakar yatiyañapatakejj mä yatiyiriruw khitasi, akham sasin yatiyañapataki:
‘Sartasipjjam, Edom marka contra nuwasiñatak wakichasipjjañäni’+ sasa”.
2 “Markanak taypinjja jan yäqat markaruw nayajj tukuysma,jumajj wali jiskʼachat markätawa.+
3 Chuymaman jachʼa jachʼa tukutapaw jumarojj engañjtamjja,+jumajj jachʼa qarqan* utjki uka imantasiñanakanwa jaktajja,alto lugaranakanwa jumajj jaktajja, chuymaman akham saraktawa:
‘¿Khitis oraqer saraqayanitani?’ sasa.
4 Jumatejj utjäwim pakanakjam wali altor lurasisma,*jan ukajj warawaranak taypir tapam uchasisma ukhajja,ukhatpachwa nayajj saraqayanirisma” siw Jehová Diosajja.
5 “Lunthatanakatï jumar lunthatañatak arum jutapjjaspa ukhajja,¿janit kuntï munapkaspa ukak lunthatsupkiristamjja?
(¡Ukampis jumajj qʼala tukjataw uñjasïta!).*
Jan ukajj uvas cosechirinakatejj juman ukar jutapjjaspa ukhajja,¿janit apthapisiñatakejj mä qhawqha uvasanak jiltʼayapkaspa?+
6 ¡Kunanakatï Esaú chachankkäna taqe ukanakwa jupanakajj apasjjapjje!
¡Imantat wali valorani utjirinakapsa qʼalpun thaqsupjje!
7 Jupanakajja markapat anqäjjaruw jumarojj nuktʼapjjtamjja.
Taqe khitinakatï jumamp mä pacto lurapki ukanakajja engañjapjjtamwa.
Jumamp sumankapki uka jaqenakajja atipjapjjtamwa.
Khitinakatï jumamp tʼantʼa manqʼapki ukanakajja, mä trampwa jumatakejj uchapjjani,ukampis jumajj janiw amuyaskätati.
8 Jehová Diosajj akham siwa:
uka urunjja, ¿janit nayajj Edom markankir yatiñani jaqenakarojj+ tukjkäjja?
¿Janit nayajj Esaú chachan qollunakap toqenkir amuytʼasir jaqenakarojj tukjkäjja?
9 Temán,+ guerran nuwasir jaqenakamajj wal ajjsarapjjani,+kuna laykutejj Esaú chachan qollunakap toqenkir taqe jaqenakajj jiwarayatäpjjaniwa.+
10 Jumajj Jacob jilamar jan wal luratamatjja,+qʼala phenqʼachataw uñjasïta,+wiñayatakiw chhaqtjjarakïta.+
11 Kuna uruntï jumajj mä ladonaki saytʼat quedaskayäta,kuna uruntï jan uñtʼat jaqenakajj jilaman ejercitopar presot apasjjapjjäna,+kunapachatï extranjeronakajj jupan punkupnam mantasin Jerusalenat suertenak willtapjjäna+ ukhajja,jumajj uka jaqenakjamaw jan walinak lurayätajja.
12 Kuna uruntï jilamajj jan waltʼäwin uñjaskäna ukhajja, janiw kusisiñamäkänti,+kuna uruntï Judá markankir jaqenakajj jiwayatäpkäna ukhajja, janiw kusisiñamäkänti,+kuna uruntï jupanakajj tʼaqesipkäna ukhajja, janiw wali jachʼa jachʼa tukusajj parlañamäkänti.
13 Kuna uruntï markajajj jan waltʼäwin uñjaskäna ukhajja, janiw punkupnamajj mantañamäkänti,+kuna uruntï jan waltʼäwin uñjaskäna ukhajja, janiw jan waltʼäwin uñjasitap laykojj kusisiñamäkänti,kuna uruntï jan waltʼäwin uñjaskäna ukhajja, janiw wali valorani utjirinakap saqueysuñamäkänti.+
14 Thakinakajj jikiski uka lugaranakanjja, escapasipkäna ukanakar jiwayañatakejj janiw quedasiñamäkänti,+kuna uruntï llakejj+ utjkäna ukhajja, jakasipkäna ukanakarojj janiw enemigonakapar apjjaruyañamäkänti.
15 Jehová Diosan urupajj jakʼankjjewa, kunapachatï jupajj taqe markanak contra jutkani uka urojj jakʼankjjewa.+
Kunjamtï jumajj lurktajja, ukham lurataw uñjasirakïta.+
Kunjamtï jumajj yaqhanakar uñjktajja, ukham uñjatarakïyätawa.
16 Kunjamtï jumanakajj sagrado qollujan vino umapkayätajja,ukhamarakiw taqe markanakajj colerasiñaj-jja vinor uñtat sapa kuti umapjjani.+
Cheqpachapuniw jupanakajj colerasiñaj umapjjani, manqʼantapjjarakini,ukatjja janis kunapachas utjapkaspäna ukhamwa chhaqtjjapjjani.
17 Ukampis khititï escapkani ukajja Sion Qollunkaniwa,+ukatjja santorakïniwa,+Jacobun utapankirinakajj utjirinakapwa recuperapjjani.+
18 Jacobun utapankirinakajj mä ninar uñtasitäpjjaniwa,Josean utapankirinakajj mä aqaskir ninar uñtasitäpjjarakiniwa.
Ukampis Esaú chachan utapankirinakajj pajar uñtasitäpjjaniwa.
Jupanakaw Esaú chachan utapankirinakarojj ninampi nakkatayapjjani, qʼal nakhantayapjjarakini,Esaú chachan utapankirinakatjja janiw ni maynis jakkaniti,+kuna laykutejj Jehová Dios pachpaw uk arsu.
19 Jupanakajja Négueb toqsa Esaú chachan qollunak toqenkir lugaranakapsa katuntapjjaniwa,+Sefelá toqsa filisteonakan oraqepsa katuntapjjarakiniwa.+
Efrainan oraqepsa Samaria markan oraqepsa katuntapjjaniwa,+Benjaminajj Galaad lugarwa katuntarakini.
20 Jarkʼaqasiñatak murallanakani markat+ yaqha markar apat uñjasipki ukanakajja,mä arunjja Israel markankirinakajja, cananeonakan oraqepat Sarepta+ markakamaw katupjjani.
Jerusalenat yaqha markar apat uñjasipki ukanakajja, mä arunjja Sefarad lugarankapkäna ukanakajja, Négueb toqenkir markanakwa katuntapjjani.+
21 Salvirinakajja Sion Qolluruw makatapjjani,ukhamat Esaú chachan qollunakap toqen jakir jaqenakar juzgañataki,+ukatjja Jehová Diosaw reyit apnaqjjani”.+
Notanaka
^ Uka sutejja, “Jehová Diosan serviripa” sañ muni.
^ Variante: “jaqhen”.
^ Ukajja, “Jumatejj pakanakjam wali alto jalnaqasma” sasaw jaqokipasirakispa.
^ Ukajja, “¿Qhawqsa tukjapjjaspa?” sasaw jaqokipasirakispa.
