Ezequiel 15:1-8
-
Jerusalenajj jan kunatak servir uvas aliwa (1-8)
15 Mä kutimpiw Jehová Diosajj parlitäna, akham sasa:
2 “Jaqen yoqapa, ¿kunansa uvas lawajj yaqha qoqanakatsa* jan ukajj montenkir* qoqanakan ramanakapats jukʼamp sumajja?
3 ¿Uvas lawampejj mä kunas lurasispati? ¿Jan ukajj kun warktʼasiñatakich jaqenakajj uvas lawat mä gancho lurasipjjaspa?
4 Uka uvas lawajj phayañatak ninar jaqontatawa, ninasti purap ladot nakhanti, chika taypip kʼillimaruw* tukuyaraki. ¿Ukajj kun lurañatakis jichhajj walïspa?
5 Ninar janïr phichantatäkäna ukhatï jan kunatak sirvkchïnjja, ninar phichantatäsajj ¡jukʼampiw jan kunatakis sirvjjeti!”.
6 “Ukhamasti Taqe Kunjjar Munañani Jehová Dios Tatitojj akham siwa: ‘Kunjamtï uvas lawanakajj montenkir qoqanak* taypit apsutäsin ninamp phichantatäkejja, ukhamarakiw nayajj Jerusalén markan jakirinakarojj luräjja.+
7 Nayajj jupanak contraw saytʼasta. Jupanakasti ninat escapapjje, ukampis ninaw jupanakar qʼal nakhantani. Nayajj jupanak contra saytʼaskä ukhaw jumanakajj Jehová Diosätaj yatipjjäta’+ sasa”.
8 “‘Jupanakan nayar apanukupjjatap laykusti,+ oraq chʼusak jaytäjja’,+ siw Taqe Kunjjar Munañani Jehová Dios Tatitojja”.
Notanaka
^ Jan ukajja, “arbolanakatsa”.
^ Jan ukajja, “bosquenkir”.
^ Jan ukajja, “carbonaruw”.
^ Jan ukajja, “bosquenkir arbolanak”.
