Ezequiel 41:1-26
41 Ukatsti jupajj anqäjj santuarioruw* apitäna, jupajj ladonakankir columnanak midtʼäna, ukanakasti mä ladot anchorojj 6 codonakanïnwa,* maysa ladot anchorojj 6 codonakaniraki.
2 Mantañ cheqasti anchorojj 10 codonakanïnwa, mantañ cheqan ladonakapankir perqanakajj mä ladot 5 codonakanïnwa, maysa ladotsti 5 codonakaniraki. Jupasti anqäjjankir santuariojj qhawqchʼänsa largorojj uk midtʼäna, ukajj 40 codonakanïnwa, anchorusti 20 codonakaniraki.
3 Ukatjja jupajj mantasaw* mantañ cheqan ladonakapankir columnanak midtʼäna, ukanakajj pä codonak ukchʼa thurünwa;* mantañ cheqasti 6 codonak ukchʼa anchorakïnwa. Mantañ cheqan ladonakapankir columnanakajj* 7 codonak ukchʼänwa.
4 Ukatjja anqäjj santuario uñkatasinkkäna uka cuarto midtʼarakïna, ukasti largorojj 20 codonakanïnwa, anchorusti 20 codonakanïnwa.+ Ukatsti akham sarakitänwa: “Akajj Santísimo sat lugarawa”+ sasa.
5 Ukatjja templon perqap midtʼarakïna, ukajj 6 codonak ukchʼa thurünwa.* Templor muytatäkäna uka ladonakankir cuartonakajja, anchorojj 4 codonakanïnwa.+
6 Ladonakankir cuartonakajj 3 pisonakanïnwa, mä cuartojj yaqha cuarto patjjankänwa, sapa pison 30 cuartonakaw utjäna. Templon perqanakapansti repisanakaw utjäna, ladonakankir cuartonakan viganakapajj ukanakjjar uchatänwa, ukhamajj janiw templon viganakapajj perqar katuyatäkänti.+
7 Templon pä ladopansti, caracol gradanakaw alayar makatäna, patjjankir cuartonakar makatkasajj jukʼamp anchoruw ukajj tuküna.+ Ukan anchopajj mä pisot yaqha pisor puriñkamajj jukʼamp anchönwa, nayrïri pisot alayankir pisor makatkasajja, chika taypi piso pasasajj jukʼamp anchoruw tuküna.
8 Templo muytarusti, mä alto plataforma utjatap uñjayäta, ladonakankir cuartonakan cimientonakapajja, esquinkamajj 6 codonakani mediñatak mä lawa ukchʼpachänwa.
9 Ladonakankir cuartonakan anqäjj perqanakapajja, anchorojj 5 codonak ukchʼänwa. Templonkkäna uka ladonakankir cuartonak taypinjja, largorojj mä chʼusa lugaraw* utjäna.
10 Templompit comedoranakampit*+ chika taypinjja, sapa ladot mä chʼusa lugaraw utjäna, anchorojj 20 codonak ukchʼänwa.
11 Ladonakankir cuartonakampit chʼusa lugarampit chika taypinjja, alay toqet* mä mantañ cheqaw utjäna, aynach toqet* yaqha mantañ cheqaw utjarakïna. Templor muytkäna uka chʼusa lugarasti, anchorojj 5 codonak ukchʼänwa.
12 Inti jalanta toqenkkäna, chʼusa lugar toqer uñtatäkäna uka jachʼa utajja, anchorojj 70 codonakanïnwa, largorojj 90 codonak ukchʼarakïnwa, uka utan perqapajj muytpacharojj 5 codonak ukchʼa thurünwa.*
13 Jupasti templo midtʼarakïna, ukasti largorojj 100 codonak ukchʼänwa. Chʼusa lugarasa, utasa,* perqanakapasa, largorojj 100 codonak ukchʼänwa.
14 Templon fachadapajj inti jalsu toqer uñtatäkäna ukasa chʼusa lugarasa, anchorojj 100 codonak ukchʼänwa.
15 Chʼusa lugaran qhepäjj toqepar uñtatäkäna uka utajj qhawqchʼänsa largorusa, paypach ladonkkäna uka callejonanakas qhawqchʼänsa uk midtʼäna, ukajj 100 codonak ukchʼänwa.
Ukatjja midtʼarakïnwa, anqäjjankir santuariompi, manqhäjjankir santuariompi,+ pationkir pórtico sat mantañ cheqanakampi,
16 marconakampi, kʼullkʼuptir marconakani ventananakampi+ ukhamarak kimsa toqenakankir callejonanakampi. Marco jakʼansti, oraqet qalltasin ventananakkamajj tablanakaw utjäna,+ ventananakajj imtʼatarakïnwa.
17 Jupasti mantañ cheqäki uka patjjanak midtʼarakïna, templo manqhanaka, templo anqäjjanaka, taqpach perqa muytpacha.
18 Ukatjja querubín+ angelanak khitsutampi palmera qoqanak* khitsutampi adornonakaw utjäna.+ Sapa palmera qoqajj pä querubín angelanak taypinkänwa, sapa querubín angelasti pä ajanunïpjjarakïnwa.
19 Jaqe ajanusti mä ladon utjkäna uka palmera qoqa* toqer uñtatänwa, león ajanusti maysa ladon utjkäna uka palmera qoqa toqer uñtatarakïnwa.+ Taqe uka khitsut adornonakajj taqpach templon utjäna.
20 Santuarion perqapansti, oraqet mantañ cheqäkis uka patjja toqekamajja, querubín angelanakampi palmera qoqanakampi* khitsut adornonakaw utjäna.
21 Santuarion punkupankir postenakapajj* cuadradönwa.+ Sagrado lugar* nayräjjansti, utjänwa
22 lawat lurat mä altara,+ ukajja altorojj kimsa codonakänwa, largorusti pä codonakarakïnwa. Esquinanakarojj postenakanïnwa, manqha toqerusa ladonakasa maderat luratänwa. Ukatjja jupajj akham sitänwa: “Akaw Jehová Dios nayraqatankir mesajja”+ sasa.
23 Anqäjjankir santuariosa sagrado lugarasa pä hojan punkunïnwa.+
24 Punkunakan pä hojapajj purap toqer llawirtirïnwa, sapa punkun pä hojaw utjäna.
25 Santuarion punkunakapan querubín angelanakampi palmera qoqanakampi* khitsut adornonakaw utjäna, kunjamtï perqanakan utjkäna ukhama.+ Pórtico sat mantañ cheqan fachadapansti, anqäjj toqen lawat lurat mä alerow* utjäna.
26 Ukhamarus kʼullkʼuptir marconakani ventananakaw utjäna,+ pórtico sat mantañ cheqan purap ladonakapansa, templon ladonakapankir cuartonakansa, aleronakansa, palmera qoqanak* khitsut adornonakaw utjarakïna.
Notanaka
^ Hebreo arunjja, “temploruw”. 41, 42 capitulonakanjja, hebreon uñstki uka arojj anqäjj santuariota (Santo lugarata) jan ukajj taqpach santuariota (templota, ukajj Santo Lugarampi Santísimo lugarampiwa) parlañatakiw aytasi.
^ Ukajja, jachʼa codonakat parlaski. Apéndice B14 uñjjattʼäta.
^ Ukajja, Santísimo satäki uka manqhäjj santuarior mantatapat parlaski.
^ Variante: “lankhünwa”.
^ Hebreo arunjja, “Mantañ cheqan anchopajj”.
^ Variante: “lankhünwa”.
^ Amuyatajja, templo muytpachankir mä kʼullkʼu pasillot parlaski.
^ Jan ukajja, “cuartonakampit”.
^ Jan ukajja, “norte toqet”.
^ Jan ukajja, “sur toqet”.
^ Variante: “lankhünwa”.
^ Ukajja, santuariot inti jalanta toqenkkäna uka utat parlaski.
^ Jan ukajja, “arbolanak”.
^ Jan ukajja, “árbol”.
^ Jan ukajja, “arbolanakampi”.
^ Hebreo arunjja, “punkunkir postejj (marcojj)”. Amuyatajja, Santo lugarar mantañ cheqat parlaski.
^ Amuyatajja, Santísimo lugarat parlaski.
^ Jan ukajja, “arbolanakampi”.
^ Jan ukajja, “tumbadillow; voladizow”.
^ Jan ukajja, “arbolanak”.
