Job 23:1-17
23 Job chachajj akham sarakïnwa:
2 “Jichhürojj jan istʼasis* arsuskakïwa.+
Llakisiñamp samsutaj laykojj chʼamajajj tukusiskiwa.
3 ¡Diosajj kawkjankis uk yatikirista!+
Kawkjantï jupajj jakki uka lugararuw sarirista.+
4 Jupa nayraqatanwa mä juicion quejasirista,nayat arsusiñatakejj taqpach pruebanak uñachtʼayirista.
5 Kuntï jupajj jayskitaspa uk istʼirista,kuntï jupajj siskitaspa uk sum amuytʼirista.
6 ¿Jachʼa chʼamapampit jupajj naya contra saytʼasispa?
Janiwa, jupajj nayar istʼapunitaspawa.+
7 Ukansti khititï cheqap jaqëki ukajj jupampiw kuna asuntonaks askichaspa.
Nayan juezajasti wiñayatakiw jan juchanïtaj uñachtʼayaspa.
8 Ukampis nayajj inti jalsu toqer sarta ukhajj janiw jupajj ukankkiti.
Kuttʼankta ukhasti, janirakiw jupar katkti.
9 Kawkjantï jupajj trabajiski uka chʼeqa toqeruw nayajj sarta, ukampis janiw jupar uñjañ puedkti.
Jupajj kupi toqeruw kuttʼani, ukampirus janipuniw jupar uñjañ puedkti.
10 Ukampis kawki thaktï nayajj sarkta uk jupajj yatiwa.+
Jupajj nayar yantʼañ tukuyjjani ukhajja, nayajj suma qorir uñtasitäjjäwa.+
11 Kayunakajajj wali jakʼatwa jupan taktʼatanakap arkaraki,jan saranukusaw thakip saraskta.+
12 Jupajj arski uka mandamientonakat janiw nayajj jitheqtkti.
Qhawqtï jupajj maykitäna ukat sipans jukʼampwa nayajj lurta.+
13 Kunapachatï jupajj mä kunsa amti ukhajja, ¿khitis jupa contrajj saytʼaspa?+
Jupajj mä kunsa lurañ muni ukhajj luriwa.+
14 Kuntï jupajj nayatak amtki uk taqpach phoqani,jupasti walja ukhamanak amtaraki.
15 Ukatwa nayajj jupa kawsajj llakitäta,jupjjat lupʼisasti,* ajjsarañajajj jukʼampiw jiljjattaraki.
16 Diosaw nayarojj ajjsaririr tukuyitu,Taqe Chʼamani Diosaw nayar ajjsarayitu.
17 Ajanujajj wali chʼamakampi imantatawa.
Ukampis nayajj janiw amuktʼkäti.
