Job 26:1-14
26 Job chachajj akham sarakïnwa:
2 “¡Jan chʼamanïki ukarojj sum yanaptʼtajja!
¡Jan chʼamanïki ukarojj salvaraktawa!+
3 ¡Kunja suma ewjjtʼanaksa jan yatiñanïki ukarojj churtajja!+
¡Jan kun imtʼasaw* yatiñanïñ qhanstaytajja!
4 ¿Khitirus jumajj parljjayañ munta?
¿Khitis jumarojj ukham parlañamatak amuytʼaytam?
5 Khitinakatï jiwañan jan kamachtʼirjamäpki ukanakajj khatatipjjewa,lamar qotatsa ukan jakirinakatsa jukʼamp manqhankapjjewa.
6 Sepulturansti* janiw kunas Diosat* imantatäkiti.+
Tukjañ lugaran* jupajj taqe kun uñjaraki.
7 Jupajj chʼusa lugararuw* alajjpach* janatati,+oraqsa jan kunjjaruw warktʼaraki.
8 Jupaw qenayanakaparojj umanakamp phoqanti,+ukatwa qenayanakajj wali jathïkasas jan phallapkiti.
9 Jupajj janiw tronop uñjaykiti,qenayapampiw tronopjjarojj imjjati.+
10 Jupaw alajjpachampin lamar qotampin qorpap uchi,+juparakiw qhanampin chʼamakampin qorpap uchi.
11 Alajjpachan columnanakapas khatatipjjewa,Diosan toqenoqataw wal sustjasipjje.
12 Jupajj chʼamapampiw lamar qotar onoqeyi,+yatiñapampiw lamar qotankir ajjsarkañ animalarus* jiskʼa jiskʼa tukji.+
13 Jupajj samanapampiw* alajjpach qʼomachi,amparapampiw ratuk sarir asirurus* jiwayi.
14 Taqe ukanakajj thakinakapan thiyapakiwa.*+
¡Mä jukʼakwa jupjjat istʼtanjja!
Ukhamajj ¿khitirak kunjamsa jupajj wali chʼamani qʼejjo qʼejjo utjayi uk amuyaspasti?”.+
Notanaka
^ Jan ukajja, “Waljpun”.
^ Hebreo arunjja, “jupat”.
^ Hebreo arunjja, “chʼusaruw”.
^ Hebreo arunjja, “alaya (norte toqe)”.
^ Hebreo arunjja, “Rahabarus”.
^ Jan ukajja, “thayapampiw”.
^ Jan ukajja, “katarirus”.
^ Variante: “qawayapakiwa”.
