Job 28:1-28
28 ”Mä lugaraw qollqe metal apsuñatakejj utji,qʼomachapki uka qori apsuñatakejj yaqha lugaraw utjaraki.+
2 Hierrojj laqʼat apsutawa,cobrejj qarqanakat* umatatayatawa.+
3 Jaqejj mä chʼamak lugararuw puri,kawkjantï wali chʼamakäki uka lugararuw sari,ukhamat wali valorani metalanak apsuñataki.
4 Jupajj kawkjantï jaqenakajj jakapki uka lugarat jayanwa oraq manqha allsu,*armat lugaranakana, jaqenakajj sarnaqapki uka lugarat wali jayana.
Yaqhep chachanakajj warkoqtasaw ukan warkusis trabajipjje.
5 Manqʼañajj oraq patjjanwa achoqe,ukampis oraq manqhajj ninampi mayjtʼayatäkaspas ukhamawa.*
6 Qalanakansti zafiro* qalaw utji,laqʼajj qorinirakiwa.
7 Aycha manqʼani jamachʼinakajj janiw uka cheqar apir thaki uñtʼapkiti,milano negro sat jamachʼin nayrapas janirakiw uka thak uñjkiti.
8 Janiw mä ajjsarkañ animalas uka cheq taktʼkiti,chʼamani leonas janiw uka cheq muyupaykiti.
9 Jaqejj amparapampiw chʼollqhe qalanak chʼiyji.
Jupajj saphitpach qollunaks tinkuyaraki.
10 Jupajj qarqa* taypinwa uma canalanak luri,+nayrapajj wali valorani qalanak sum amuyi.
11 Jawiranakan qalltap jarkʼanti,kunatï imantatäkäna ukanak qhanstayi.
12 Ukampis yatiñajj ¿kawkinsa jikjjatasispa?+
¿Kawkinkis amuytʼañan qalltapajja?+
13 Janiw khiti jaqes qhawqha valoranis uk amuykiti,+janirakiw jakaskir jaqenak taypin katutäkaspati.
14 Wali manqha umanakajj ‘¡janiw akankkiti!’ sasaw sapjje.
Lamar qotajj ‘¡janiw nayampïkiti!’+ sasaw saraki.
15 Janiw ukajj suma qorimpi alaskaspati,janirakiw uk turkañatakejj qollqe metalas pestʼaskaspati.+
16 Janiw ukajj Ofir lugarankir qorimpis alaskaspati,+janirakiw wali valorani ónice* qalampisa ni zafiro qalampisa.
17 Janiw ukajj qorimpis ni vidriompis igualaskaspati,janirakiw kuna suma qorit luratampis turkaskaspati.+
18 Yamas coralatsa* cristalatsa janiw kamsksnasa,+yatiñampi phoqtʼat mä bolsajj perlanakani phoqtʼat bolsat sipans jukʼamp valoraniwa.
19 Janiw yatiñajj Cus oraqenkir topacio*+ qalamp igualaskaspati,janiw suma qorimpis alaskaspati.
20 Ukhamajj ¿kawkitsa yatiñajj juti?
¿Kawkinsa amuytʼañajj qalltaraki?+
21 Ukajj taqe jakirinakan nayranakapat imantatawa,+alajjpachankir jamachʼinakats imantatarakiwa.
22 Tukjañasa jiwañasa akham sapjjewa:
‘Jiñchunakajajj mä jukʼak yatiñjjat istʼapjje’ sasa.
23 Diosakiw ukar purir thak uñtʼi,jupa sapakiw kawkjankis uk yati,+
24 kuna laykutejj oraqen thiyanakaps* jupajj uñjiwa,kunanakatï alajjpachanakat aynachankki ukanaks taq uñjaraki.+
25 Kunapachatï jupajj thayar chʼam churäna,*+umanaks jaljäna,+
26 jallupach uttʼayäna,+qʼejjo qʼejjotakisa chʼiyar qenayatakis thakinakap uttʼayäna,+
27 ukapachaw jupajj yatiñar uñjäna, qhanañchtʼäna,sum uttʼayäna, qhawqha valoranis uk amuykiptʼarakïna.
28 Jaqerojj akham sarakïnwa:
‘Yatiñanïñajja Jehová Diosar ajjsarañawa,+amuytʼirïñajj jan walit jitheqtañarakiwa’+ sasa”.
Notanaka
^ Variante: “jaqhenakat”.
^ Variante: “jatʼsu”.
^ Amuyatajja, mineriat parlaski.
^ “Suma qalanaka” siski uk glosarion liytʼäta.
^ Variante: “jaqhe”.
^ “Suma qalanaka” siski uk glosarion liytʼäta.
^ “Suma qalanaka” siski uk glosarion liytʼäta.
^ Variante: “qawayanakaps”.
^ Hebreo arunjja, “Kunapachatï jupajj thayan pesopajj qhawqhänis uk uttʼayäna”.
