Jueces 5:1-31
5 Uka urunwa Débora+ warmejj Abinoam chachan Barac+ yoqapamp chika akham sasin cantäna:+
2 “Guerran nuwasiri israelitanakan ñikʼut jan pichtʼasipjjatapatsa,markankirinakajj voluntadapat guerrar sarapjjatapatsa,+¡Jehová Diosar jachʼañchapjjam!
3 Reyinaka, ¡istʼapjjam! Gobernantenaka, ¡sum istʼapjjam!
¡Jehová Diosaruw nayajj cantäjja!+
Israelan Jehová Diosaparuw+ alabanzanak cantäjja.*
4 Jehová Dios, jumajj Seír+ toqet mistunkayäta ukhasa,Edom toqet mistunis jutaskayäta ukhasa,oraqejj khatatïnwa, alajjpachatsti jalluw wal purintarakïna,qenayanakatwa umajj wal waraqtanïna.
5 Qollunakasti Jehová Dios nayraqatanwa umatatapjjäna,*+Sinaí qollus Israelan Jehová Diosap+ nayraqatanwa+ umatatäna.*
6 Anat chachan Samgar yoqapan urunakapansa,+Jael warmin urunakapansa,+ thakinakajj chʼusakïnwa;viajirinakas jiskʼa thakinakak sarapjjäna.
7 Israelan jiskʼa markanakapan janiw khitis utj-jjänti;naya Débora+ warmin sartañajkamajj janiw khitis utj-jjänti,Israelar yanaptʼañataki mä taykjama sartkayäta ukhakama.+
8 Jupanakasti yaqha diosanakwa ajllisipjjäna;+ukhaw markanakan punkunakapan guerrajj utjäna.+
Janiw mä escudosa ni mä lanzasa uñjaskänti,Israelan 40.000 guerran nuwasir chachanak taypinjja.
9 Nayajj Israelan ejercitopan comandantenakap toqetwa saytʼasta,+jupanakajj voluntadapatwa markankirinakamp chika guerran nuwasir sarapjjäna.+
¡Jehová Diosar jachʼañchapjjam!
10 Qhana chʼumphi asnonakjjat saririnaka,suma jantʼakunakjjar qontʼasirinaka,thak saririnaka,¡Diosan luratanakapat amuykiptʼapjjam!
11 Uywanakatak uma apirinakan arunakapaw phuju cheqanakan istʼasïna;ukjanwa Jehová Diosan cheqaparu luratanakapat wasitat parlasipkäna,Israel markan jiskʼa markanakapana jakasirinakan cheqapar luratanakapata.
Ukatsti Jehová Diosan markapajj markanakan punkunakaparuw saraqäna.
12 ¡Sartasim, sartasim, Débora!+
¡Sartasim, sartasim, mä canción canttʼasim!+
¡Barac,+ sartasim! ¡Abinoam chachan yoqapa, katuntkta uka jaqenakar apasim!
13 Jiltʼapkäna ukanakajj wali importante jaqenakan ukaruw saraqapjjäna;Jehová Diosan markapajj wali chʼamani jaqenakampi nuwasiñatakiw nayan ukar saraqanipjjäna.
14 Efraín tribut jutirinakajj vallenkasipkänwa;Benjamín tribu, jupanakajj jumaruw arkanisipktamjja, markam taypinkapjjarakiwa.
Comandantenakajj Makir+ chachat jutirïpjjewa,ejercitor mantirinakar qellqerinakajj* Zabulón tribut jutirïpjjarakiwa.
15 Isacar tribun principenakapajj Débora warmimpiw mayachtʼasipjjäna,Isacar tribujj uka warmimpiw mayachtʼasïna, Barac+ chachas uka kikparaki.
Jupajj kayukiw* valle pampar saräna.+
Rubén tribunkirinakan chuymanakapanjja payachasiñaw utjäna.
16 ¿Kunatsa pä carganak taypin qonta,uywanakatak flauta* tukirinakar ischʼukisa?+
Rubén tribunkirinakan chuymanakapanjja payachasiñaw utjäna.
17 Galaad oraqen jakirinakajj Jordán jawira khurkatanwa jakasipkakïna;+¿kunatsa Dan tribujj barconakan jakaskakïna?+
Aser tribujj jan kun lurasaw lamar qota jakʼan qonuskäna,barco sayañanakäkis ukjat janiw onjjtkänti.+
18 Zabulón tribunkirinakajj vidap aptʼasirjamäpjjänwa;qollu patjjankiri+ Neftalí tribus ukhamaraki.+
19 Taanac markana, Meguidó+ cheqankiri umanak jakʼarusti,reyinakaw nuwasir jutapjjäna;+Canaán markankir reyinakaw nuwasipjjäna,ukampis jupanakajj janiw katuntat qollqe metal apasipkänti.+
20 Alajjpachatwa warawaranakajj nuwasinipjjäna;alajjpachatwa jupanakajj Sísara contra nuwasinipjjäna.
21 Cisón lugaran wali chʼamampi jalir umanakaw enemigonakar apasjjäna,+nayra tiempotpach jalir umanaka, Cisón lugaran jalir umanaka.
Nayaw chʼamaninakar takichasiyäta.
22 Caballonakan kayunakapajj chʼamampiw taktʼasipjjäna,guerran nuwasiñatak caballonakajj jan saytʼas wal sarantapjjatap layku.+
23 ‘Meroz cheqar maldisipjjam’ sasaw Jehová Diosan angelapajj säna,‘uka cheqan jakirinakar maldisipjjam,jupanakajj janiw Jehová Diosar yanaptʼir jutapkänti,janiw chʼamaninakamp chik Jehová Diosar yanaptʼapkänti’.
24 Jael+ warmiw warminak taypin jukʼamp bendisitajja,Héber+ sat quenita chachan warmipa;jupaw carpanakan jakasir warminakat jukʼamp bendisitajja.
25 Sísara chachajj um mayïna; Jael warmejj leche churäna.
Mä jachʼa pʼujru* platoruw jupajj cuajtʼat leche churäna.+
26 Amparapampiw carpan chʼakurup aptäna,kupi amparapampiw martillo aptäna.
Sísara chacharojj martillompiw leqʼentäna, juparojj pʼeqet leqʼentäna,pʼeq phallayäna, para ladopat leqʼentasaw pʼeq pʼiysüna.+
27 Jael warmin kayunakap jakʼanwa jupajj jaqosjjäna; jaqotattatajj janiw onjjtjjänti;jupan kayunakap jakʼanwa jaqotattasajj jaqosjjäna,jaqoskäna ukjanwa jiwjjarakïna.
28 Mä warmiw ventanat uñtäna,Sísara chachan mamapaw ventana rejillanakat uñtäna:
‘¿Kunatsa nuwasiñatak carropajj jan jankʼak jutki?
¿Kunatsa caballonakampi qatatit carronakapan suynatapajj jan istʼaski?’.+
29 Wali importante warminakatjja, yatiñani warminakaw ukjjarojj arsupjjäna;jupa pachpas walja kutiw akham sasirakïna:
30 ‘Jupanakajj katuntapki ukwa jaljasisipkpacha,guerran nuwasir sapa chachatakejj mä tawaqo,* pä tawaqo,*Sísara chachatakisti katuntatäki uka tiñit tela, katuntatäki uka tiñit tela.
Bordat mä isimpi, tiñit telampi, bordat pä isinakampstisaqueyjirinakan kunkanakapataki’.
31 Jehová Dios Tata, enemigonakamajj taqpachan tukuspan,+jumar munasirinakajj intir uñtat kʼajtapjjpan” sasa.
Ukatsti 40 maranakaw uka oraqen sumankañajj utjäna.+
Notanaka
^ Jan ukajja, “Jehová Diosapatakiw music tukäjja”.
^ Ukajja, “khatatipjjäna” sasaw jaqokipasirakispa.
^ Ukajja, “khatatïna” sasaw jaqokipasirakispa.
^ Ukajja, “qellqañatak materialanak apnaqerinakajj” sasaw jaqokipasirakispa.
^ Variante: “kayut”.
^ Jan ukajja, “caramillo”.
^ Jan ukajja, “hondo”.
^ Hebreo arunjja, “mä matriz”.
^ Hebreo arunjja, “pä matriz”.
