Oseas 12:1-14
12 “Efrainajj kunatï jan servirïki ukaruw confiyi.*
Uru jurnälaw inti jalsu toqenkir thayar arknaqe.
Kʼarisiñanaksa, tukjañanaksa jiljjattayiwa.
Jupanakajj Asiria markampiw mä pacto lurapjje,+ Egiptoruw aceite apapjjaraki.+
2 Jehová Diosajj Judá markaruw juzgani,+Jacoburojj sarnaqataparjamaw cuenta mayini,luratanakaparjamaw kuttʼayarakini.+
3 Taykapan purakapanjja jupajj jilapan kayu talonapat katthapïna,+taqe chʼamapampiw Diosampejj nuwasirakïna.+
4 Jupajj walpun mä angelampejj nuwasïna, atipjarakïnwa.
Jupajj bendición katoqañatakejj jachänwa, wal ruwtʼasirakïna”.+
Diosajj Betel markanwa jupar jikjjatäna, ukanwa nanakamp* parläna.+
5 Ejercitonakan Jehová Diosapa,+jaqenakajj Jehová sutinïtap amtapjjañapa.+
6 “Ukhamajj Diosamar kuttʼam,+munasiñsa jan jaytjasiñsa jan chhaqayamti, kunatï cheqapäki uks janirak chhaqayamti,+Diosamarojj suytʼapunim.
7 Ukampis negocianten* amparapan kʼari balanzanakaw utji,jupajj engañjañ wal muni.+
8 Efrainajj akham sapuniwa: ‘Cheqas nayajj wali qamirëjjtwa,+wali valoraninak jikjjatta.+
Taqe ukanaksti wal trabajisaw nayajj jikjjatta, janiw kuna jan walisa ni kuna juchasa nayan utjkiti’ sasa.
9 Ukampis nayajj Egipto oraqetpachwa Jehová Diosamätjja.+
Wasitat jumarojj carpanakan jakayäma,fiesta urunakanjama.
10 Nayajj profetanakaruw parlayäta,+jukʼamp walja visionanak jupanakar uñjayayäta,profetanak taypiw uñachtʼäwinak parlayäta.
11 Engañompi* kʼarisiñampiw Galaad markan utjäna.+
Guilgal markanwa jaqenakajj toronak sacrificiot loqtapjjäna,+camponkir sukanakan utjki uka qala montonanakar uñtasitaw altaranakapajja.+
12 Jacob chachajj Aram* oraqeruw escapäna,+Israelajj+ ukanwa mä warmi layku trabajïna,+mä warmi laykuw ovejanak uñjäna.+
13 Jehová Diosajj mä profeta taypiw Israelar Egiptot apsüna,+mä profeta taypiw juparojj jarkʼaqarakïna.+
14 Efrainajj Diosan chuymap wal ustʼayäna,+wila wartatapat juchapajj jupjjankaskakiwa,Uywiripajj jupar jiskʼachatapatwa kunatï waktʼki uk churani”.+
Notanaka
^ Hebreo arunjja, “Efrainajj thayampiw alimentasi”.
^ Amuyatajja, Jacob chachat jutirinakat parlaski.
^ Jan ukajja, “comercianten”.
^ Ukham sasinjja, inas magianakat parlaskchi.
^ Jan ukajja, “Siria”.
