Salmos 102:1-28
Tʼaqesiyat jaqen oracionapa, jupajj jan kun kamachtʼirjam* jikjjatasisaw oración luri, Jehová Dios nayraqatanwa llakinakap yatiyaraki.+
102 Jehová Dios Tata, oracionajar istʼakimaya,+yanap mayisitajajj juman ukar purinikpanaya.+
2 Llakisiñ tiempon uñjaskta ukhajj janikiy ajanum nayat imantasimti.+
Naya toqer jiñchum altʼayanikimaya,*nayajj artʼasinkta ukhajj jankʼakiy jaysita.+
3 Kuna laykutejj urunakajajj jewqʼer uñtataw chhaqtaski,chʼakhanakajajj ninampi qʼala nakhantatäkaspas ukhamawa.+
4 Chuymajajj qorar uñtat qʼala suwartatawa,+ wañsutarakiwa,tʼantʼaj manqʼañ armasitaj layku.
5 Tʼaqesitanakajajj wali jachʼätap laykojja,+nayajj jañchi mayakëjjtwa, chʼakha mayakëjjaraktwa.+
6 Wasarankir pelícano jamachʼir uñtasitätwa,laqayanak taypinkir jiskʼa jukur uñtasitarakïtwa.
7 Janiw ikiñ puedkti,uta patjjankir saparstʼat jamachʼir uñtasitätwa.+
8 Enemigonakajajj uru jurnälaw nayar insultapjjetu.+
Khitinakatï nayat larusipki ukanakajj sutijwa maldisiñatakejj aytasipjje.
9 Nayajj qhellanakwa tʼantʼajäkaspas ukham manqʼta,+kuntï nayajj umkta ukanjja jachanakajaw utji,+
10 colerasitam layku.
Kuna laykutejj mä lador jaqtañatakikiw jumajj nayar aptistajja.
11 Urunakajajj chʼiwir uñtataw chhaqtaski,+qorar uñtataw nayajj suwartaskarakta.+
12 Ukampis Jehová Dios Tata, jumajj wiñayatakiw jakäta,+wali uñtʼat Diosätamajj* wiñayatakïniwa.+
13 Jumajj cheqpachapuniw sartasïta, Sionat khuyaptʼayasïtawa,+kuna laykutejj Sionat sinttʼasiñam tiempöjjewa,+señalat tiempojj purinjjewa.+
14 Kuna laykutejj servirinakamajj Sionan qalanakaparojj munasiñampiw uñjapjje,+laqʼa polvoparus munasiñampiw uñjapjje.+
15 Markanakajj Jehová Diosan sutiparuw ajjsarapjjani,oraqenkir taqe reyinakas jachʼañchäwimaruw ajjsarapjjani.+
16 Kuna laykutejj Jehová Diosajj mayampiw Sionarojj saytʼayani,+jupajj kunja kʼajkirisa ukwa uñachtʼayani.+
17 Jan kunani jakasir jaqenakan oracionanakapjja Diosajj sum istʼani,+oracionanakaparojj janiw jiskʼachkaniti.+
18 Akajj jutïr wawanakatak qellqatawa,+ukhamat naskani uka markajj Jah Diosar jachʼañchañapataki.
19 Kuna laykutejj jupajj sagrado utjäwipatpachwa aynacharojj uñtani,+Jehová Diosajj alajjpachanakatpachwa oraqerojj uñtani,
20 ukhamat preso katuntat jaqen llakirtʼasitap istʼañataki,+ukhamarak jiwayañatak juchañchatanakar salvañataki,+
21 ukhamat Jehová Diosan sutipajj Sionan yatiyasiñapataki,+ukhamarak jachʼañchäwipat Jerusalenan yatiyasiñapataki,
22 kunapachatï markanakasa reinonakas*Jehová Diosar serviñatak tantachasipkani ukha.+
23 Jupajj janïr tiempökipanwa chʼamaj lunthatitu,urunakajsa jukʼaptayiwa.
24 Nayajj akham sistwa: “Dios Tata, nayan Diosaja,janïr nayajj awkiptkipan janikiy jakäwij apaqestati,juman maranakamajj wiñayatakiwa.+
25 Walja tiempo nayraw jumajj oraqen cimientonakap uchtajja,alajjpachanakajj amparanakamamp luratawa.+
26 Ukanakajj tukusipjjaniwa, ukampis jumajj jakaskakïtawa,mä isir uñtataw ukanakajj thantstapjjani.
Kunjamtï isejj turksuskejja ukhamwa ukanakarojj turksüta ukatsti chhaqtjjapjjarakiniwa.
27 Ukampis jumajj pachpakïsktawa, jakañ tiempomas janipuniw tukuskaniti.+
28 Servirinakaman wawanakapajj jan ajjsarasaw jakasipjjani,wawanakapasti juma nayraqatan suma uttʼayatäpjjaniwa”+ sasa.
Notanaka
^ Jan ukajja, “aynachtʼat”.
^ Jan ukajja, “Altʼasisin istʼakitaya”.
^ Jan ukajja, “sutimajj”.
^ Jan ukajja, “gobiernonakas”.
