Salmos 110:1-7
Davidan salmopa.
110 Jehová Diosajj akham sasaw Tatitujar säna:
“Kupëjjajar qontʼasim,+enemigonakamaru kayunakamampi takjjataykäma ukapachkama”*+ sasa.
2 Jehová Diosaw jumarojj* munañanïñ churätam, ukhamat Sionat qalltasin yaqha lugaranakkam apnaqañamataki. Jupajj akham sätamwa:
“Enemigonakam taypin apnaqam”+ sasa.
3 Kunapachatejj ejercitomar guerratak pʼeqtʼkäta uka urojja, taqe chuymaw markamajj jumar servïtam.
Juman utjktam uka waynanakajj* willjta sullar uñtasitäpjjewa,jupanakajj santo, kʼajkiri ukhamäpjjewa.
4 Jehová Diosajj janiw amtap mayjtʼaykaniti, jupajj akham sasaw mä juramentomp arsüna:
“¡Jumajj wiñayatak sacerdotëtawa,+Melquisedecjam+ sacerdotëtawa!” sasa.
5 Jehová Diosaw kupëjjamankani,+jupaw colerasiñ urupanjja reyinakar tukjani.+
6 Markanakarus jupaw* juzgani,+jupaw oraqjja jiwat cuerponakampi phoqantani.+
Jupaw oraqpach pʼeqtʼirirojj tukjarakini.
7 Thaki lado sarki uka jiskʼa jawiratwa jupajj* um umtʼani.
Umtʼasasti pʼeqjja altoruw waytani.
Notanaka
^ Hebreo arunjja, “enemigonakamaru banquillökaspas ukham kayunakamatak uchkä ukapachkama”.
^ “Jumarojj” sasinjja, Salmo 110:1 texton parlki uka Tatitutwa parlaski.
^ Jan ukajja, “grupo wayn tawaqonakajj”.
^ “Jupaw” sasinjja, inas Diosat parlaskchi.
^ “Jupajj” sasinjja, Salmo 110:1 texton parlki uka Tatitutwa parlaski.
