Salmos 25:1-22
Davidan salmopa.
א [álef]
25 Jehová Dios Tata, jumaruw nayajj oracionan jakʼachasta.
ב [bet]
2 Diosajay, jumaruw nayajj confiyasta,+janikiy nayan phenqʼachat uñjasiñaj munamti.+
Janikiy enemigonakajan nayat larusipjjañap munamti.+
ג [guímel]
3 Cheqpachansa khititï jumar suyki ukajja janiw phenqʼachatäkaniti,+ukampis khitinakatï yaqhanakar ina chʼusatak traicionapki ukanakaw phenqʼachatäpjjani.+
ד [dálet]
4 Jehová Dios Tata, thakinakam uñtʼayita,+thakinakamarjam sarnaqañ yatichita.+
ה [he]
5 Cheqa thakinakamarjam sarnaqayita, yatichtʼarakita,+kuna laykutejj jumaw nayan salvir Diosajätajja.
ו [waw]
Uru enterpachaw nayajj jumar suyasksma.
ז [zayin]
6 Jehová Dios Tata, jumajj khuyapayasiri, munasiri jan jaytjasir Diosätawa,+ uk amtasikimaya,ukanaksti jumajj uñachtʼayapuntawa.*+
ח [jet]
7 Waynäkasin jucha luratanakajatsa pantjasitanakajatsa janikiy amtasimti.
Munasiri jan jaytjasir Diosätam laykojj nayat amtasikimaya,+Jehová Dios Tata, suma chuymanïtam laykojj nayat amtasikimaya.+
ט [tet]
8 Jehová Diosajj suma ukhamarak cheqapar uñjir Diosawa,+ukatwa juchararanakarojj kawkïr thaksa sarapjjañapa uk yatichi.+
י [yod]
9 Jupaw llampʼu chuymaninakarojj* cheqap thaknam irpani,+jupaw llampʼu chuymaninakarojj thakip yatichani.+
כ [kaf]
10 Jehová Diosan taqpach thakinakapajja, jupajj munasirïtapa jan jaytjasirïtapa jan apanukusir Diosätapwa uñachtʼayi,khitinakatï pactopsa+ amtayäwinakapsa+ phoqapki ukanakaruw ukanak uñachtʼayi.
ל [lámed]
11 Jehová Dios Tata, sutim laykojja+pantjasitaj perdonakitaya, jachʼäkchi ukas perdonakitaya.
מ [mem]
12 ¿Khitis Jehová Diosar ajjsartʼir jaqejja?+
Diosaw uka jaqerojj kawkïr thaksa jupajj ajlliñapa uk yatichani.+
נ [nun]
13 Kunatï sumäki ukampiw jupajj kusisini,+oraqjja jupat jutir wawanakapaw katoqapjjarakini.+
ס [sámekh]
14 Jehová Diosamp sum apasiñajja, khitinakatï jupar ajjsarapki ukanakankiwa,+jupanakaruw Diosajj pactopat yatichi.+
ע [ayin]
15 Nayranakajajj Jehová Dios toqer uñtatapuniwa,+kuna laykutejj jupaw trampatjja* kayunakaj apsuni.+
פ [pe]
16 Uñtanikitaya, khuyaptʼayasikitaya,kuna laykutejj nayajj sapaki jan khiti yanapirini ukhamätwa.
צ [sadé]
17 Chuymajan llakinakapajj walipuniw jiljjattjje,+llakijat salvakitaya.
ר [resh]
18 Llakin uñjasitajsa jan walin uñjasitajsa uñjakimaya,+taqe juchanakajatsa perdontʼakitaya.+
19 Enemigonakajajj kunja waljäpjjesa uk uñjakimaya,nayar wal uñisipjjatap laykojja usuchjañwa jupanakajj munapjjetu.
ש [shin]
20 Jakäwijar jarkʼaqtʼakimaya, salvakitaya,+janikiy phenqʼachat uñjasiñaj munamti, kuna laykutejj nayajj jumaruw imantasta.
ת [taw]
21 Taqpach chuymampi servitajasa cheqapar sarnaqatajas jarkʼaqetpan,+kuna laykutejj jumaruw nayajj suytʼaskta.+
22 Dios Tata, Israelarojj taqe llakinakapat salvakimaya.
Notanaka
^ Jan ukajja, “nayratpachaw uñachtʼaytajja”.
^ “Llampʼu chuymanïña” siski uk glosarion liytʼäta.
^ Hebreo arunjja, “qänatjja (redetjja)”.
