Salmos 61:1-8
-
Diosajj enemigonakat jarkʼaqasiñatak jachʼa torrewa
-
‘Carpamanwa quedasëjja’ (4)
-
Directorataki. Cuerdan instrumentonakamp cantañataki. Davidan salmopa.
61 Dios Tata, yanap mayiñatak artʼasitajarojj istʼakimaya.
Oracionajarojj wali amuyump istʼam.+
2 Oraq thiyanakatpachwa* nayajj jumar artʼasinëjja,kunapachatï chuymajajj wali llakitäkani ukhajj jumaruw artʼasinïma.+
Nayat sipansa jukʼamp jachʼäki uka qarqakam* irpita.+
3 Kuna laykutejj jumaw nayan imantasiñajätajja,enemigonakajat jarkʼaqer mä jachʼa torrejätawa.+
4 Nayajj wiñayatakiw carpaman quedasëjja,+chheqanakam manqharuw imantasëjja.+ (Sélah).
5 Dios Tata, jumajj promesanakaj istʼtawa.
Sutimar ajjsaririnakar churkta uka herencia nayarojj churistajja.+
6 Reyin jakañaparojj urunakwa jumajj yaptʼäta,+reyin maranakapajj waljapunïniwa, jutïr walja wawanakjama ukjjar jutapkani uka walja wawanakjam waljapunïniwa.
7 Dios nayraqatanwa jupajj wiñayatak tronor qontʼasini,*+munasiñamp jupar uñjam, janirak jaytjamti ni apanukumsa, ukhamat ukanakajj jupar jarkʼaqañapataki.+
8 Ukatsti sutimatakiw nayajj wiñayatak alabanzanak cantäjja,*+ukañkamasti sapüruw nayajj promesanakaj phoqäjja.+
Notanaka
^ Variante: “qawayanakatpachwa”.
^ Variante: “jaqhekam”.
^ Jan ukajja, “wiñayatak jakani”.
^ Jan ukajja, “music tukäjja”.
