CRISTIANJAM JAKAÑATAKI
Jesusan discipulonakapar tukuyañatakejja, predicañasawa yatichañasarakiwa
‘Sarapjjam, nayan discipulojar tukuyapjjam’ sasaw Jesusajj säna (Mt 28:19). Ukarjam phoqañatakejja, predicañasawa yatichañasarakiwa. Ukatwa akham jisktʼasiñasa: “¿Kunjamsa uka toqenakan jukʼamp chʼamachasirista?” sasa.
PREDICASA
“Jaqenakaw nayar thaqer jutapjjañapa” sasin amuyañat sipansa, jiwasaw suma chuyman jaqenakaru thaqer sarañasa (Mt 10:11). Diosan arunakap yatiyir sarkasajja, ¿callenakana jan ukajj auton sarasipki uka jaqenakamp parltʼañatakejj chʼamachasisktanti? (Hch 17:17). Apóstol Pablojja, taqe cheqan yatiyañatakiw chʼamachasïna, ukhamatwa Lidia warmis Jesusan arkiripar tuküna (Hch 16:13-15).
“Alwatajja yapucham, jaypʼusa yapucharakim” (Ec 11:6).
DIOSAN ARUNAKAP YATIYASIPKAKIÑÄNI: TAQE CHEQANAKANA UKAT UTAT UTA SARASA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
¿Kunjamsa Samuel jilatajj taqe cheqanakan predicañatak chʼamachasïna?
-
¿Kunatsa taqe cheqanakan predicañatak chʼamachasiñasa?
-
Sapür luräwinakajanjja, ¿khitinakampis Diosan Reinopat parlirista?
YATICHASA
Jesusan discipulonakapar tukuyañatakejja, janiw qellqatanaka aleqak jaytañasäkiti. Jan ukasti, jaqenakan utapar sarasaw Bibliat yatichañasa, ukhamatwa jupanakajj Diosar serviñan nayrar sartapjjani (1Co 3:6-9). Bibliat yateqasipki ukanakat yaqhepajj Diosar jan serviñ amtapjjaspa ukhajja, ¿kamachsnasa? (Mt 13:19-22). Suma chuymanïpki uka jaqenakaruw thaqaskakiñasa (Mt 13:23; Hch 13:48).
“Nayaw ayruntayäta, Apolosasti umampiw warjjatarakïna, ukhamarus Diosaw jiltayaskäna” (1Co 3:6).
DIOSAN ARUNAKAP YATIYASIPKAKIÑÄNI: WALJA JAQENAKAJJ UTJKI UKA CHEQANAKANA UKAT JESUSAN ARKIRIPAR TUKUYASA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
¿Kunjamsa Simón jilatasa Mary esposapasa Ezequielampiru Abigailampir yanaptʼasipkakïna?
-
Taqe cheqanakana jan ukajj walja jaqenakajj utjki uka lugaranakan predicasajja, ¿kun lurañatakis chʼamachasiñasa?
-
Niyakejjay Bibliat yatichañajj wali wakiskirïchejja, ¿kun lurañasas awisajj wakisini?
