Jehová Dios saparuk adorasiñapjja Jacob chachajj yatïnwa, uka tiemponjja idolonak toqet parlir mä leyejj janiw utjkänti (Éx 20:3-5). Ukatwa Jacob chachajj kunapachatï Jehová Diosajj Betel cheqaru kuttʼañap maykäna ukhajj familiaparusa, jupamp chikäpkäna ukanakarus idolonakap apanukupjjañapatak mayïna. Ukatjja, Jacobojj taqpach idolonakwa oraqer allintäna, aretenaksa allintarakïnwa, inas uka aretenak amuletjam apnaqapjjerïchïna (Gé 35:1-4). Ukham luratapajj Jehová Diosarojj wal kusisiypachäna.

Jichhürunakanjja, ¿kunjamsa Jehová Dios saparuki adorsna? Janipuniw idolonakarojj adorañasäkiti ni layqasiñanakarusa ukat yaqha ukhamanakarus mitisiñasäkiti. Taqe ukanakjja apanukuñasawa, kunanakampis kusistʼasktan ukanakatsa amuykiptʼasiñasawa. Akhamwa jisktʼasiñasa: “¿Vampironakata zombinakata layqasiñanakat parlir libronakti liytjja, jan ukajj uka videonakti uñchʼuktjja? ¿Kunanakatï magia toqeta jan ukajj layqasiñ toqet parlki ukanakampit kusistʼtjja?” sasa. Kunanaktï Jehová Diosajj uñiski taqe ukanakat jitheqtañasawa (Sl 97:10).

SUPAY CONTRA SAYTʼASIPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Bibliat yateqeri Paulina warmejj kuna jan walinsa uñjasïna?

• Jiwasatï layqasiñanakamp jan waltʼayat uñjasiñäni ukhajja, ¿kunatsa jilïr irpirinakar yanaptʼa mayiñasa?

• Jehová Diosamp jarkʼaqatäñ munstan ukhajja, ¿kunanaksa apanukuñasa?

• ¿Kuna wakiskir amtarus Paulinajj purïna?

• Kawkjantï jakasktan uka cheqanjja, ¿kunjamsa demonionakat jarkʼaqassna?