¿KUNATSA WALI WAKISKIRI? Bibliat yatichañatak utjkistu uka qellqatanakasa videonakasa, jw.org cheqar mantapjjañapatakiw jaqenakar chʼamañchtʼi. JW.ORG cheqar mantañatak tarjetasa, ¿Khitis jisktʼanakasar qhanañchaspa? sat tratadosa, jaqenakan jw.org cheqar mantapjjañapatak wakichatarakiwa. Yatichañatak utjkistu uka qellqatanaksa videonaksa, jw.org cheqatwa yaqhanakar apayaraksna, ukanakjja PDF jan ukajj yaqha formatonakatwa apaysna. Yaqha aru parlir jaqenakar yatiyktan ukhaw ukham lurañajj wal yanaptʼistu. Bibliat yatichañatak utjkistu uka qellqatanakanjja, yaqhep jisktʼanakarojj janiw qhanañchaskiti, ukanak qhanañchañataki jw.org cheq sum apnaqañ yatiñajja, Diosan arunakap sum yatiyañatakiw yanaptʼistani.

¿KUNJAMSA JW.ORG SAT CHEQ SUM APNAQASMA?

• “ENSEÑANZAS BÍBLICAS” siski ukaruw mantasma. Wawanakapar sum uywañatak chʼamachasiri mä chachamp parlasajja, ENSEÑANZAS BÍBLICAS > EL MATRIMONIO Y LA FAMILIA siski ukaruw mantasma.

• “QELLQATANAKA” siski ukaruw mantasma. Escuelankir mä compañeromar Wayn tawaqonakan 10 jisktʼanakapa sat folleto uñachtʼayañ munsta ukhajja, QELLQATANAKA > LIBRONAKA UKAT FOLLETONAKA siski ukaruw mantasma.

• “SOBRE NOSOTROS” siski ukaruw mantasma. Trabajonkir mä compañeromar kunarutï creyta uk yatiyañ munsta ukhajja, SOBRE NOSOTROS > PREGUNTAS FRECUENTES siski ukaruw mantasma.

INTERNETAN JW.ORG SAT CHEQ APNAQAÑ YATEQAPJJAÑÄNI SAT VIDEO UÑTASAJJA, AKHAM SASAW JISKTʼASÏTA:

• Diosar jan creyir jaqerojja, ¿kunjamsa jw.org sat cheqamp yanaptʼiristjja?

• Jan waltʼäwin uñjasirirojja, ¿kunjamsa jw.org sat cheqamp chuymachtʼiristjja?

• Diosan markapat jitheqtatarojja, ¿kunjamsa jw.org sat cheqamp yanaptʼiristjja?

• Diosan markapajj kunjamsa qollqemp yanaptʼasi ukjja, ¿kunjamsa jw.org sat cheqamp qhanañchtʼiristjja?

• Yaqha markat jutiri mä jaqerojj markapan tantachäwinakar sarañapatakejja, ¿kunjamsa jw.org sat cheqamp yanaptʼiristjja?