Sodoma markat escapasipkäna ukhajja, ¿kunatsa Lot chachan warmipajj qhepar uñtpachäna? Bibliajj janiw uk siskiti (Gé 19:17, 26). Jesusan arunakaparjamajja, inas cosasanakap jaytatapat amtaschïna (Lu 17:31, 32). Lot chachan warmipajj Diosamp sum apasiñwa aptʼasïna, ¿kunas ukhamar jan purtʼasiñatak yanaptʼistaspa? Janipuniw cosasanak sinti munañajj jakäwisan nayrankañapäkiti (Mt 6:33). Jesusajj “janiw jumanakajj Diosampir Qollqempir esclavot servipkasmati” sasaw yatichäna (Mt 6:24). Cosasanak jikjjatañ wal munañajj Diosar serviñatwa tiempo apaqestaspa, ukhaman uñjasisajj ¿kun lurañasas walïspa? Kunanak jaytañasas wakisi uk amuyasiñatakisa, ukanak jan ajjsaras jaytañatakisa, Jehová Diosaruw yanaptʼa mayisiñasa.

LOT CHACHAN WARMIPAT AMTASIPJJAM SAT KIMSAR JALJAT VIDEORJAMAJJA, AKA JISKTʼANAKARUW QHANAÑCHTʼÄTA:

• Qollqe jukʼamp ganañatak chʼamañchtʼapkäna ukajja, ¿kunjamsa Gloria kullakan amuyupsa, parlatapsa, luratanakapsa mayjtʼayäna?

• ¿Kunsa Lot chachan warmipat yateqsna?

• ¿Kunjamsa Biblian yatichäwinakapajj Yoni chacharusa familiaparus yanaptʼäna?

• ¿Kunjamsa trabajonkir masinakapajj Ana tawaqorojj Diosat jitheqtayasipkäna?

• Qollqe jukʼamp ganañatak chʼamañchtʼapkistu ukar jan istʼañatakejja, ¿kunatsa jan ajjsarirïñasajj wakisi?

• Diosar serviña nayrankañapatakejja, ¿kunsa Brayan jilatasa esposapas lurapjjäna?

• ¿Biblian kawkïr ewjjtʼanakapas aka videon sum qhanañchtʼasi?