Diosar sirvkasin suma luräwinak Jupatak lurañäni ukanakajj janiw armatäkaniti. Kunjamtï mä awkejj wawapan suma luratanakap jan armkejja, ukhamarakiw Jehová Diosajj suma luräwinakas jan armkiti. Kuntï sutip laykojj lurktan uksa janiw armkiti (Mt 6:20; Heb 6:10). Cheqas janiw taqenis mä pachpak kuns lurañ yatktanti ni mä igualaksa jakasktanti, ukampis Jehová Diosar serviñatakejj qhawqtï lurirjamäktan uk lurañäni ukhajja, kusisitaw jakasiñäni (Gál 6:4; Col 3:23). Nayratpachajj walja waranqa jilat kullakanakaw Betel utan serviwayapjje. ¿Jumajj jupanakjam servirakismati? Janitï uk lurirjamäksta ukhajja, ¿janit yaqhanakaru ukham servipjjañapatak chʼamañchtʼkasma, jan ukajj Betelankapki uk jilat kullakanakar ukan servisipkakiñapatak chʼamañchtʼkasma?

¿BETELAN SERVIÑATAKEJJ KUNSA LURAÑAMA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kuna amtampis Betelan serviñ munañasa?

• ¿Kuna bendicionanaktï jilat kullakanakajj Betelan servisajj katoqapki ukanakat kamsapjjes jupanakajja?

• ¿Betelan serviñatakejj kuna mayitanaksa maynejj phoqañapa?

• ¿Betelan serviñatakejj kunsa jumajj lurasma?