Jesusan nasiñapatak walja maranak faltkäna ukhajja, Mesiasajj “Jordán jawirat maysa toqetpacha, kawkhantejj jan Diosar uñtʼir markanakajj jakapki uka Galilea” oraqenwa yatiyani sasaw Isaías profetajj qellqäna. Jesusaw uka profecía arunak phoqäna, jupasti Galileanwa Diosan arunakap yatiyäna ukhamarak yatichäna (Isa 9:1, 2).

• Caná markanwa nayrïr milagro luräna (Jn 2:1-11).

• Capernaum jakʼanwa apostolonakapar ajllïna (Mr 3:13, 14).

• Capernaum jakʼanwa Wali Uñtʼat Arstʼäwipa arstʼäna (Mt 5:1–7:27).

• Naín markanwa mä viuda warmin sapa wawapar jaktayäna (Lu 7:11-17).

• Jiwatat jaktkäna uka qhepatjja, 500 discipulonakaparuw Galilean uñstäna (1Co 15:6).