KUNATSA UK LURAÑAJJ WAKISI. Jehová Diosaw wiñay jakañatak suma chuymanïpki ukanakarojja, cheqa yatichäwinakar jukʼamp munasipjjañapatak yanaptʼi (Hch 13:48; 1Co 3:7). ¿Kunjamsa jiwasajj yanaptʼaraksna? Kuntï yateqapki ukarjam sarnaqañatak chʼamachasisipki ukanakar yatichasaw Diosar yanaptʼaraksna (1Co 9:26). Jupanakajja, salvatäñatakejj bautisasiñajj kunja wakiskirisa ukwa sum amuyapjjañapa (1Pe 3:21). Estudionakasajj Jesusan discipulopar tukupjjañapatakejja, jiwasaw jan walinak apanukupjjañapataki, predicapjjañapataki, Bibliat yatichapjjañapataki, ukhamarak Diosar jakäwip katuyasipjjañapatak yanaptʼañasa (Mt 28:19, 20).

KUNJAMSA UK LURSNA

• Diosar uñtʼañataki, ukhamarak Jupar kusisiyañatakiw jaqenakajj Bibliat yateqapjje, ukwa estudionakasar amtayañasa (Jn 17:3).

• Diosar serviñan jukʼamp jiltasipkakiñapatakejja, jan wali lurañanaka, jan wali amigonak jaytapjjañapatakiw yanaptʼañasa.

• Janïr bautisasipkipansa, bautisasjjapjjani ukhasa, estudionakasar chʼamañchtʼaskakiñasawa (Hch 14:22).

JEHOVÁ DIOSAW YANAPASKÄTAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa yaqhepajj Jehová Diosar jakäwip katuyasiñsa, bautisasiñsa ajjsarapjje?

• ¿Kunjamsa jilïr irpirinakajj Diosar jukʼamp servipjjañapataki estudionakar yanaptʼapjjaspa?

• ¿Kunsa Jehová Diosat Isaías 41:10 textojj yatichistu?

• Pantjasir jaqëkstansa, ¿kunas Diosar serviñatak yanaptʼistani?