Diosan arunakap istʼapki ukanakarojj jukʼampi Bibliat yatjjatapjjañapatakiw yanaptʼañ muntanjja (1Co 3:6). Ukatwa parlañ janïr tukuykasajj mä jisktʼa jaytañ wakisi, ukhamat mayan kuttʼasin uka jisktʼar qhanañchañataki. Ukhamtï lurañänejja, utanejj wal yatjjatañ munani ukat wakichtʼasiñas janirakiw jiwasatak chʼamäkaniti. Kutʼkañäni ukhajja, ‘mä jisktʼa jaytawayktan ukar qhanañchtʼiriw kuttʼanta’ sasaw saraksna.

• Utat uta yatiykasajj kunjamsa parltʼañäni uk wakichtʼaskasajja, kuna jisktʼsa kuttʼañatakejj jaytañäni uk wakichtʼasiñasarakiwa. Ukatakejj kuna qellqattï jaytkañäni ukatwa ajlltʼsna. Jan ukajj kuna qellqatampitï jaqenakar Bibliat yatichktan ukatwa mä jisktʼa ajlltʼaraksna. Ukat kutʼkañäni ukhaw uka qellqat uñachtʼaysna.

• Bibliat jukʼamp yatjjatañ munirimpi parlañ janïr tukuykasajja, ‘mayan jumamp parltʼañ munaskakiristwa’ sasaw sissna, ukat kuna jisktʼtï jaytañ munktan ukwa jisktʼaraksna. Wakischini ukhajja, sutipsa, telefonopsa mayiraksnawa.

• Kuna horaruy kuttʼañatak jupamp amtawaystan ukjja, phoqañasawa (Mt 5:37).