Diosan arunakap jan yatiyasiñapatakejja, Supayajj arknaqestaniwa sasaw profecianakajj Biblian qellqasïna (Jn 15:20; Apo 12:17). ¿Kunsa tʼaqesiyañatak arknaqat uñjasipki uka jilat kullakanakatakejj lursna? Diosatwa jupanakatakejj mayirapsna. Bibliajja Diosajj servirinakapan oracionanakap istʼiwa sasaw qhanañchi, ukhamasti Diosajj oracionanakas istʼaspawa (Snt 5:16).

¿Kunsa Diosarojj oracionan maysna? Arknaqata uñjasipki uka jilat kullakanakar chʼam churañapataki ukat jan ajjsarapjjañapatakiw mayirapsna (Isa 41:10-13). Marka apnaqer autoridadanakajja, Diosan arunakap yatiyañ jan jarkʼapjjañapatakiw Diosarojj oracionan mayiraksna, ukhamat “samarañana jan llakini jakasiñasataki” (1Ti 2:1, 2).

Pablompi Pedrompejj tʼaqesiyañatak arknaqat uñjasipkäna ukhajja, cristiano masinakapajj sutinakap aytasaw Diosarojj oracionan mayirapipjjäna (Hch 12:5; Ro 15:30, 31). Jiwasajj janis jilat kullakanakan sutinakap yatkstanjja, kuna markansa, kawkjansa jakasipjje, kawkïr tamankapjjesa ukwa oracionasan aytsna.