¿Kunatsa kimsür apaski uka asambleanakajj wal gustitu? Asambleanakanjja, nayra Israel markanjamanwa walja jilat kullakanakamp chika Jehová Diosar kusisit adortanjja, ukatwa wal gustistu. Uka asambleanakanjja janiw Diosan yatichäwinakapak katoqktanti, jan ukasti amigonakampejj jikisiraktanwa. Ukatjja, familiasampejj wali kusisitaw ukan jikjjatasiraktanjja. Asambleanakajj jiwasatakejj wali valoraniwa, ukatwa kimsürpach sarañatak wal chʼamachastanjja.

Asambleanakar sartan ukhajja, janiw kunsa katoqañäni ukak piensañasäkiti, jan ukasti kunjamsa jilat kullakanakasar munasitas uñachtʼaysna ukwa amuytʼasiñasaraki (Gál 6:10; Heb 10:24, 25). ¿Kunjamsa uk uñachtʼaysna? Qhawqha asientonaksa necesittan ukakwa reservañasa. Mayninakatak punku jistʼarasaw munasiñ uñachtʼayaraksna (Flp 2:3, 4). Asambleanakanjja, yaqha jilat kullakanakaruw uñtʼaraksna. Jan uñtʼktan uka jilat kullakanakamp parltʼañatak ¿janit chʼamachasksna? Janïr programa qalltkipana jan ukajj chika uruw jupanakamp parltʼassna (2Co 6:13). Ukham lurasaw jupanakampejj suma amigonakäsna. Uk uñjasajj inas yaqhanakajj Jehová Diosar serviñ amtapjjarakchini (Jn 13:35).

WALJA MARKANAKAT JACHʼA TANTACHÄWI: “MUNASIÑAJJ JANIPUNIW TUKUSKITI” SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 2019 maran apaskäna uka asambleanakanjja, ¿kunsa jilat kullakanakajj yaqha markanakat jutir delegadonakar munasiñap uñachtʼayañatakejj lurapjjäna?

• Diosan markapan maynit maynikam wal munastanjja mayachtʼatarakïtanwa, ¿kunatsa ukajj wali musparkañajja?

• ¿Oraqpachan Jilïr Irpirinakajj munasiñ toqet parlkasajj kunsa qhanañchapjjäna?

• Alemania, Corea del Sur markanakanjja, ¿kunjamsa jilat kullakanakajj munasiñ maynit maynikam uñachtʼayasipjjäna?

• ¿Kun lurañatakis chʼamachasiñasa?