¿Kuna jan walinakansa sapür uñjasta? ¿Familia pʼeqtʼirjamajj lurañanakam phoqañatakit chʼamachasiskta? ¿Sapaki wawamar uywasajj janit qollqejj alcanzktam? ¿Colegionsa jan ukajj escuelansa jumat burlasipjjeti? ¿Usutätati jan ukajj edadanëjjtacha? Taqeniw jan walinakan uñjastanjja, ukampis yaqhep jilat kullakanakajj jukʼamp jan walinakanwa uñjasipjje. Niyaw taqe uka jan walinakat Jehová Diosajj qhespiyistani, uk yatiñaw wal kusisiyistu (2Co 4:16-18).

Jehová Diosajj kuna jan walinakantï uñjasktan uk sumwa yati, jupat jan jitheqtasa aguantktan ukjja wali valoranitwa uñji, jutïrin bendisiñwa munarakistu (Jer 29:11, 12). Jesusajj jiwasanakat llakisirakiwa. Cristianjam lurañanakas phoqañatak chʼamachasiskakiñäni ukhajja, Jesusajj sapüruw jiwasampïni (Mt 28:20). Kunjamsa Diosan Reinopan libre jakasiñäni uka toqet piensañäni ukhajja, jutïr urunak suytʼañatakisa jan walinak aguantañatakisa jukʼamp chʼamanïñäniwa (Ro 8:19-21).

JACHʼA JAN WALTʼÄWINAKAN UÑJASKASASA, JESUSAR UÑTASKAKIÑASAWA SAT VIDEO UÑTJJASAJJA, AKA JISKTʼANAKARUW QHANAÑCHTʼÄTA:

• ¿Kunjamsa jaqenakajj Diosat jitheqtawayapjje, kuna jan walinakansa uñjasiwayapjjaraki?

• ¿Diosar taqe chuyma servirinakajj kunjamsa jutïrin jakasipjjani?

• ¿Kunas jutïrin sum jakasiñatak yanaptʼawayistu?

• ¿Jutïrin kun phoqasiñapsa wal munta?