Jehová Diosajja wali valoranitwa uñjtamjja (Is 43:4). Ukatwa jumajj Jupan amigopätasa, markap taypinkaraktasa. Vidam Jupar katuyasitamatsa bautisasitamatsa, Jehová Diosankjjtawa, wali munatarakïtawa. Sinti jan walinakan uñjaskäta ukhasa, markap toqew cuidaskätam jan jaytjasirïtapsa uñachtʼayätam (Sl 25:10).

Jehová Diosajja, markap toqew jan walinakan uñjasiri jilat kullakanakarojj yanaptʼaski, uk uñjasajja jukʼamp valoranitwa Jehová Diosan jan jaytjasirïtaparojj uñjtanjja.

INFORME DEL COMITÉ DE COORDINADORES (2019) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamsa Comité de Coordinadores ukankirinakajj mä jan waltʼäwir saykatañatakejj oraqpachankiri sucursalanakar wakichtʼi?

• ¿Kunjamsa Jehová Diosan markapajj Indonesia markankiri Nigeria markankiri jilat kullakanakarojj yanaptʼäna?

• ¿Kunanaktï Diosan markapajj COVID-19 pandemian lurawayki ukanakat kawkïritsa jukʼamp yuspärta?