¿Kunatsa awk taykamarojj kuntï amuykta uk sañama? (Pr 23:26). Jehová Diosaw jupanakarojj jumar cuidapjjañapataki, vidaman yanaptʼapjjañapatak encargawayi (Sl 127:3, 4). Kunatï llakisiyktam jan ukajj kuntï munkta uk jan yatiykasma ukhajja, jupanakatakejj jumar yanaptʼañajj wali chʼamäspawa. Ukatjja, janiw jupanakat yateqasiñ puedkasmati. Ukampis ¿taqe kunpunti jupanakar yatiyañama? Janiw ukhamapunïkiti, ukampis kunanaktï jupanakajj yatipjjañapäki uk imtʼañamajj janiw walïkiti (Pr 3:32).

¿Kunjamsa awk taykamampejj parltʼasma? Kunapachatï jupanakamp parltʼkasma uka horasa thaqam. Ukatjja, kunjamäsktasa uk jupanakat mayniruw mä cartan qhanañchtʼasma. Awk taykamatï jumamp parlañ munapjjchi ukampis jumajj jan munksta ukhajja, ¿kamachasmasa? Akwa amtañama: awk taykamajj yanaptʼañwa munapjjtamjja, janiw jupanakajj enemigomäpkiti. Awk taykamampi taqe kunat parltʼañatak chʼamachasitamajja, jichhasa jutïrinsa wiñayatakiw wal yanaptʼätam (Pr 4:10-12).

QʼAJJO WAYN TAWAQÖKASA: AWK TAYKAMAMP PARLAÑATAKEJJ ¿KUNS LURASMA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Esther tawaqosa Partik waynasa kamsapjjesa?

• ¿Kunsa jumajj Jesusat yateqasisma?

• ¿Kunjamsa awk taykamajj jumar munasipjjatam uñachtʼayapjjtam?

• ¿Awk taykamamp parltʼañatakejj Biblian kawkïr ewjjtʼanakapas yanaptʼiristam?