Aka qhepa urunakanjja, taqeniw jan walinakan uñjastanjja. Janiw jukʼamp aguantjjäti sasaw awisajj amuysna. Ukampis Jehová Diosan yanaptʼap thaqaskakiñäni ukhajja, kunayman jan walinakwa aguantañäni (Is 43:2, 4). Jumatï jan walin uñjassta ukhajja, ¿kunas Jehová Diosar jakʼachasiñatak yanaptʼiristam?

Orasiña. Kunjamas jikjjatastan taqe ukanak Jehová Diosar yatiyañäni ukhajja, jupaw aguantañatakejj sumankañsa, chʼamsa churistani (Flp 4:6, 7; 1Te 5:17).

Tantachäwinaka. Jichha tiemponjja, Biblian yatichäwinakapsa, jilat kullakanakajj tantachäwinakan chʼamañchtʼapkistu uksa wal muntanjja (Heb 10:24, 25). Tantachäwinakatak wakichtʼastan, tantachäwinakar sartan, ukan arstʼtan ukhajja, Jehová Diosan espíritu santopan yanaptʼapwa katoqtanjja (Ap 2:29).

Predicaña. Jiwasatï predicacionar mistuñatak chʼamachasipuniñäni ukhajja, janiw llakimp fácil aynachtʼkañäniti. Janiw ukakïkiti, predicasajj Jehová Diosampi jilat kullakanakampiw trabajisktanjja. Ukhamajja, predicasajj jupanakampejj jukʼamp sumwa apasiñäni (1Co 3:5-10).

JEHOVÁ DIOSAW KATOQTʼÄTAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunanakas Malu sat kullakarojj Jehová Diosar serviskakiñapatakejj yanaptʼawayi?

  Qhanañchtʼañamataki

• Salmo 34:18 textojj ¿kunjamsa Malu sat kullakarjam chuymachtʼistu?

  Qhanañchtʼañamataki

• Jan walinakan uñjasktan ukhajj Jehová Diosaw “jaqen chʼamapat jilankki uka chʼama” churistu, ¿kunjamsa Malu kullakan experienciapajj uk uñachtʼayistu? (2Co 4:7).

  Qhanañchtʼañamataki