Niyakejjay Jehová Diosajj jiwasamp kusisitäñap munstanjja, amtanakasajj kunjamtï jupajj amuyki ukarjamäñapawa, uka toqet mä mandamientojj janis utjkchejja Jehová Diosatakjamäñapawa (Pr 27:11). ¿Kunjamsa uk lursna?

Bibliat sapüruw yatjjatañasa. Biblia sapa kuti liytʼktan ukhajja, Jehová Diosampïksnas ukhamawa. Kunjamsa Diosajj amuyi uk yatiñatakejja, kunjamsa jupajj markapar uñjäna ukanakwa amuyañasa, Biblian yateqaskaya jan yateqaskay sarnaqer jaqenakat parlki ukanakatwa lupʼiñasaraki. Ukham lurañäni ukhajja, espíritu santow kunanaktï Biblian yateqawayktan ukanak amtayistani, ukaw suma amtar puriñatak yanaptʼistani (Jn 14:26).

Jukʼampiw yatjjatañasa. Janïr mä amtar purkasajja, akhamwa jisktʼasiñasa: “¿Biblian kawkïr textonakasa jan ukajj sarnaqäwinakas kunsa Jehová Diosajj amuyi uk yatiñatak yanaptʼitaspa?” sasa. Jehová Diosaruw yanaptʼa mayiñasa. Ukatjja kuna herramientanakatï arusat utjki ukanakampiw Biblian wiñay yatichäwinakap jikjjatañataki ukat ukarjam lurañataki yanaptʼayasiñasa. Ukhamatwa mä suma amtar puriñäni (Sl 25:4).

“TʼIJUÑANJJA AGUANTAS TʼIJUSIPKAKIÑÄNI”: CHʼAMAÑCHTʼKIR MANQʼA MANQʼAPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Videon uñtktan uka tawaqojj kuna jan walinaksa aguantäna?

  Qhanañchtʼañamataki

• ¿Ukhamanakar saykatañatakejj kunjamsa Bibliat yatjjatañatak herramientanakajj yanaptʼistaspa?

  Qhanañchtʼañamataki

• ¿Janïr mä amtar purkasajj kunjamsa Bibliat jukʼamp yatjjatañatak tiempo apsusiñajj yanaptʼistu? (Heb 5:13, 14).

  Qhanañchtʼañamataki