Jehová Diosan servirinakapajja, Jesusan jiwatap amtañ uru puriniñap wal suyapjje. Janïr uka uru purinkipansa uka qhepa semananakasa, Jehová Diosar kunayman toqet jachʼañchañataki, Jesusar khitanitapat yuspärañatakejj wal chʼamachastanjja (Ef 1:3, 7). Sañäni, Jesusan jiwatap amtañatak tantachäwir jutapjjañapatakiw jaqenakar invitañatak chʼamachastanjja. Yaqhep jilat kullakanakajja, marzo ukat abril phajjsinakan precursor auxiliarjam 30 jan ukajj 50 horanak predicañwa amtapjje. ¿Jesusan jiwatap amtkañäni uka phajjsinakajj janit jukʼamp predicañ munkasma? ¿Kunsa lurasma?

Tiempompi kuna amtäwinak wakichatajj sumakiw lurasi (Pr 21:5). Jesusan jiwatap amtañ urojj niyaw purinini, ukhamajj jichhaw kunanaksa lurasma ukanak amtañama. Jesusan jiwatapajj amtaskani uka phajjsinakan kunanak lurañsa munasma, kunjamsa ukanak phoqasma ukanak amuytʼam. Ukatjja ukanak lurañatak chʼamachasitamar bendisiñapatakejj Jehová Diosar oracionan mayisim (1Jn 5:14, 15).

¿Jesusan jiwatap amtañatak phajjsinakajj kunanaksa predicacionan lurasma?