‘Inakiw katoqapjjtajja, inaki churapjjarakim’ sasaw Jesusajj säna (Mt 10:8). Uka arunakar istʼasaw jaqenakar Biblia jaytasasa Bibliat apstʼat qellqatanak churasas qollqe jan mayktanti (2Co 2:17). Ukampis uka qellqatanakajj Bibliat apstʼat suma yatichäwinakaniwa, ukanak imprimiñasa oraqpachankir congregacionanakar apayañas janiw faciläkiti, walja qollqew munasiraki. Ukatwa jaqenakar jaytkañäni ukhak apstʼasiñasa.

Jaqenakar yatiykasajja, khitinakarus qellqatanak churañäni uk sum amuytʼasiñasawa (Mt 7:6). Taqe jaqenakar qellqatanak lakirañat sipansa, jupanakamp parltʼañatakiw chʼamachasiñasa, ukhamatwa Bibliat yateqañ munapjjeti janicha uk amuyañäni. Recuadron utjki uka jisktʼanakarjamaw qellqatanak jaytañatak amuytʼasiñasa. Bibliat yateqañ munapjjeti janicha uk jan amuyañjamäkanejja, mä tratado churañakiw wakisispa. Ukampis revitsa jan ukajj yaqha qellqatsa maykistani ukarojj churañasawa (Pr 3:27, 28).