Jesusajj aka oraqenkäna ukhajja, akham sänwa: “Awkimarusa taykamarusa respetañamawa” sasa (Éx 20:12; Mt 15:4). Waynitükäna ukhajja, Jesusajj awk taykaparojj respetänwa, istʼarakirïnwa (Lu 2:51). Jiwañap jakʼäjjäna ukhajja, mamapat llakisiskakïnwa (Jn 19:26, 27).

Diosar servir wayn tawaqonakajja, ukhamarakiw awk taykaparojj istʼapjje, respetomp parlapjjaraki. Awk taykasarojj wiñayaw respetañasa istʼañasaraki. Chuymanëjjapjjchi ukhasa jupanakarojj respetañasawa, suma ewjjanakapsa istʼañasarakiwa (Pr 23:22). Ukatjja awk taykasarojj munasiñampi uñjasa jan ukajj qollqemp yanaptʼasaw respetompi uñjaraksna (1Ti 5:8). Ukhamasti wayn tawaqonakasa, jilïrinakasa jupanakampejj parlañasapuniwa. Ukhamatwa awk taykasar respetañäni.

KUNJAMSA AWK TAYKAJAMPEJJ PARLIRISTA SAT VIDEO UÑTASAJJA, AKA JISKTʼANAKARUW QHANAÑCHÄTA:

• ¿Kunatsa awk taykamampi parlañajj awisajj chʼamakïspa?

• Awk taykamampi parlasajja, ¿kunjamsa jupanakar respetatam uñachtʼayasma?

• Awk taykamampi parlañajja, ¿kunjamsa yanaptʼätam? (Pr 15:22).