Mä suma panqar uñjasasa, warawaranak uñjasasa jan ukajj mä suma uma waraqta (catarata) uñjasasa, ¿taqe kun Luriri Diosat lupʼtanti? Luratanakap uñjañajja, Jupajj kunjam Diosasa uk amuyañatakiw yanaptʼistu (Ro 1:20). Luratanakapat lupʼktan ukhajja, Jehová Diosajj kunja munasirisa, chʼamanisa, yatiñanisa ukanakwa amuytanjja, cheqapar uñjirïtapasa, khuyaptʼayasirïtapas qhanaw amuyasiraki (Sl 104:24).

¿Diosan luratanakapat kawkïrinaksa sapür uñjtanjja? Jachʼa markansa jakaskstanjja, jamachʼinaksa qoqanaksa uñjapuntanwa. Diosan luratanakap wali amuyumpi uñjañajja, jan sinti llakisiñataki, jan walinakan uñjasktan ukhas jan aynachtʼañatakiw yanaptʼistu. Jehová Diosaw cuidaskitani sasin jukʼamp confiyañatakis yanaptʼarakistuwa (Mt 6:25-32). Wawanakanïstan ukhajja, Jehová Diosajj kunjam Diosasa uk amuyapjjañapatakiw yanaptʼañasa. Kunanaktï Diosajj lurawayki ukanakat yuspärapuniñäni ukhajj jukʼampiw Jupar jakʼachasiñäni (Sl 8:3, 4).

DIOSAN MUSPARKAÑ LURATANAKAPAJJA JUPAJJ QHAWQHA CHʼAMANISA UKWA QHANAÑCHI: QHANAMPI COLORANAKAMPI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa kunayman coloranak uñjtan?

• ¿Kunatsa kawksattï uñtktan ukarjam coloranakajj cambiapjje?

• ¿Kunatsa alajjpach mayj mayj coloranakat uñjtan?

• ¿Uta jakʼaman kuna musparkañ coloranaksa uñjta?

• ¿Kunatsa taqe kunanakatï utjki ukanakat lupʼiñatak tiempo apsusiñasa?