Salmo 83 jaljajj inas Asaf levita chachat jutïr mä jaqen qellqatächi, jupasti Davidajj jakkäna uka tiemponwa jakpachäna. Uka salmo qellqatajja, Diosan markapajj yaqha uñisir markanakampi jan waltʼayata uñjasipkäna ukhaw qellqasïna.

83:1-5, 16

• Diosar mayiskasajja, salmo qellqerejj Diosan sutipa ukat Jupa sapaki taqe kunjjar munañanïtapwa jachʼañchäna, janiw jupan askipak thaqkänti.

• Jichhürunakanjja, Diosan servirinakapajj kunayman jan waltʼäwinakanwa sapür jikjjatasipjje. Jehová Diosat jan jitheqtasa servisipkakitapajja, Juparuw jachʼañchi.

83:18

• Jehová Diosajja, Jupan sutip yatiñaswa muni.

• Jehová Diosajj jakäwisan taqe kunanakat sipansa nayrankatapjja, luratanakasampiw uñachtʼayañasa.