SUM YATICHAÑATAK CHʼAMACHASIÑÄNI | BIBLIAT YATICHASAJJ JUKʼAMP KUSISITÄÑATAK CHʼAMACHASIÑÄNI
Jaqenakan chuymapar purtʼañäni
Diosar istʼañajj chuymatwa qallti (Pr 3:1). Ukatwa yatichktan ukhajja, istʼapkistu uka jaqenakan chuymanakapar purtʼañatak chʼamachasiñasa. ¿Kunjamsa uk lursna?
Yateqerinakasarojja, janiw Biblian yatichäwinakapak yatichañasäkiti. Jan ukasti, yateqki ukajj kunjamsa jakäwipan yanaptʼi, Jehová Diosamp sum apasiñatakis yanaptʼaraki uk amuyañapatakiw yanaptʼañasa. Kunjamsa Biblian yatichäwinakapajj Jehová Diosan munasiñapa, khuyaptʼayasirïtapa, cheqapar uñjirïtap uñachtʼayi ukwa yatichañasaraki. Ukatjja, kuntï yateqki ukajj jupatakejj kunjamakisa uk amuytʼañapatakiw munasiñap jisktʼañasaraki. Diosajj uñiski uka lurañanak jaytañajj kunjamsa jakäwipan yanaptʼani uk amuyañapatakiw yanaptʼañasa. Yateqeriman Jehová Diosar taqe chuym munasitap amuyäta ukhajja, jukʼamp kusisitaw jikjjatasïta.
JESUSAN DISCIPULOPAR TUKUYAÑAJJ KUSISKAÑAWA. SUM YATICHAÑATAKI CHʼAMACHASIÑÄNI: JAQENAKAN CHUYMAPAR PURTʼAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
¿“Martesajj sisksma uka toqet pienstati” sasajj kunatsa Ritajj Rositar jisktʼäna?
-
Jehová Diosajj qhawqsa munasistu ukwa leyinakapajj uñachtʼayistu, ¿kunjamsa Ritajj uk amuyañapatak Rositar yanaptʼäna?
-
Yateqerinakasan chuymapar purtʼañäni ukhajja, jupanakajj Jehová Diosar serviñwa munapjjani.
¿Kunjamsa Ritajj Jehová Diosar munasitap uñachtʼayañapatakejj Rositar chʼamañchtʼäna?
