Bibliajja, jilïrinakarojj awk taykamarjam uñjam ukhamarak wayn tawaqonakarojj jilanakamarjam uñjam sasaw sistu (1 Timoteo 5:1, 2 liytʼäta). Yamas jilatanakajja, kullakanakarojj wali respetompi ukhamarak sum uñjapjjañapajj wali importantewa.

Mä jilatajja, janipuniw mä kullakarojj jan wali amtanakampi parljjaykaspati, janirakiw mayjtʼayir arunakampis parljjayañapäkiti (Job 31:1). Mä solter jilatajj janiw soltera mä kullakarojj jupampïñsa munkaspa ukham amuyayasajj chuym ustʼayañapäkiti.

Mä kullakajj respetompi ancianonakar mä kunats jisktʼani ukhajja, jupanakajj atencionampiw istʼapjjañapa. Jan ukajj mä probleman askichasiñapat parlkani ukhajja, ukhamarakiw istʼapjjañapa. Yamas jan yanaptʼirinïpki uka kullakanakarojj jukʼamp respetompiw uñjapjjañapa (Rut 2:8, 9).

JEHOVÁ DIOSAN SERVIRINAKAPAROJJ MUNASIÑAMP UÑJASKAKIÑÄNI: VIUDANAKARU, WAJCHANAKARU SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamanakatsa congregacionajj Myint sat kullakarojj munasiñ uñachtʼayäna?

• Congregacionajj munasiñ kullakar uñachtʼaykäna ukajj ¿kunjamsa vecinonakarojj Jehová Diosat sum parlapjjañapatak yanaptʼäna?

• ¿Jilat kullakanakan munasiñapajj kunjamsa Myint sat kullakan phuchanakapar yanaptʼäna?

¿Kunjamsa jumajj congregacionamankir kullakanakat llakisitam uñachtʼayasma?