Akapachan tukusiñap janïr purinkipanjja, chʼamasa, tiemposa jan ina chʼusar aptʼañatakejj Diosar jukʼamp serviñwa amtañasa (1Co 9:26; Ef 5:15, 16). 2022 septiembre phajjsit 2023 agosto phajjsikamajj kunanaksa lurapjjasma uk ¿janit Familjam Bibliat Yatjjatkasin amtapkasma? Tantachäwin yatjjatañataki sat aka qellqatanwa kunanaksa lurañ amtapjjasma ukanakat mä qhawqha jikjjatapjjasma, janïr uk amtkasajj Jehová Diosaruw orasipjjañama (Snt 1:5).

Sañäni, ¿familian maynikis precursor regularat serviñapatakejj yanaptʼapjjasmati? Jumatï jan walin jikjjatasitam layku janiw horanak phoqañ puedkiristti sasin ajjsarayassta ukhajja, jumjam jan walin jikjjataski uka precursoranakampiw parltʼasma (Pr 15:22). Familjam Bibliat Yatjjatkasaw mä precursorar entrevistasma, ukatjja kuna urunakas predicasma ukwa qellqtʼasisma. Maysa toqetjja, jumatï nayrajj precursorat serviwaysta ukhajja, ¿janit wasitampi precursorat sirvkasma? Inas jichhajj precursorat serviñ puedjjchisma.

¿Janit familian maynikis precursor auxiliarat mä phajjsikisa jan ukajj walja phajjsinakas sirvkaspa? Jumatï nayrjam jan lurirjamäjjsta ukhajja, mä qhawqha minutonakakwa sapüru predicasma. Trabajitamata, escuelankatamat semanan jan predicañ puedksta ukhajja, seman tukuyanakaw predikir mistusma, jan ukajj feriadonakana, mä phajjsejj phesqa sabadonïki, domingonïki uka phajjsinakaw precursorat servisma. Kuna phajjsinakas precursor auxiliarat servisma uk calendariomaruw marktʼasisma, jan ukajj mä horario lurasisma (Pr 21:5).

JAN AJJSARIRÏPJJAMTI, PRECURSORANAKA, SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamsa Jehová Diosajj Aamand sat kullakarojj cuidäna? ¿Kunsa ukajj yatichistu?