Jehová Diosajja, taqe familianakajj kusisit jakasipjjaspa ukwa muni (Sl 127:3-5; Ec 9:9; 11:9). Ukampis awisajj wali estresatätas layku, jan ukajj mä kunan pantjasitas laykojj janiw familian kusisit jakasiñajj utj-jjaspati. ¿Kunsa familias taypin jukʼamp kusisiñ utjañapatakejj sapa maynis lursna?

Mä suma esposojja, respetompiw esposaparojj uñji (1Pe 3:7). Jupamp chikäñatakejj tiempo apstʼasiwa, janiw kuntï jan puedkaspa uk maykiti, kunanaktï jupar yanaptʼañatakisa, familiar yanaptʼañatakis lurki ukanakat yuspäriwa (Col 3:15). Qhawqsa jupar munasi uksa sarakiwa, suma luratanakapats felicittʼarakiwa (Pr 31:28, 31).

Mä suma esposajja, esposopar yanaptʼañatakejj chʼamachasipuniwa (Pr 31:12). Esposoparojj istʼarakiwa, yanaptʼarakiwa (Col 3:18). Munasiñampiw parljjayi, mayninakarus sumwa esposopat parlaraki (Pr 31:26).

Mä suma awk taykajja, wawanakapampïñatakejj tiempo apstʼasipjjewa (Dt 6:6, 7). Qhawqsa jupanakar munasi uksa sapjjarakiwa (Mt 3:17). Wawanakapar kunapachasa ukat kunjamsa cheqañchapjjani uksa yatipjjarakiwa, munasiñampiw uk lurapjjaraki (Ef 6:4).

Suma wawanakajja, awk taykaparojj respetapjjewa, istʼapjjarakiwa (Pr 23:22). Kunsa amuyapjje, kunjamas jikjjatasipjje uksa, awk taykapar yatiyapjjewa. Cheqañchatas katoqtʼasipjjewa, respetompiw uñjapjjaraki (Pr 19:20).

FAMILIAMAN KUSISIT JAKASIÑATAK CHʼAMACHASIPJJAM SAT VIDEO UÑTASAJJA, AKA JISKTʼARUW QHANAÑCHTʼÄTA

¿Familian jukʼamp kusisitäñapatakejj kunsa sapa maynejj lurapjje?