29 de julio a 4 de agosto
SALMO 69
Canción 13, oración | Qalltañatak mä qhawqha arunaka (1 min.)
1. Kunanakas Jesusan vidapan pasañapäna ukwa Salmo 69 qellqatajj jayäkipan säna
(10 min.)
Jesusarojj ina chʼusatwa uñisipjjäna (Sl 69:4; Jn 15:24, 25; w11 8/15 pág. 11 párr. 17).
Jesusajj Jehová Diosan utaparojj taqe chuymaw munasïna, mä arunjja, cheqpach adorañarojj taqe chuymaw munasïna (Sl 69:9; Jn 2:13-17; w10 12/15 pág. 8 párrs. 7, 8).
Jesusajj sinti llakitaw uñjasïna, ukhamïpansti kʼaskʼa umampi mezclat vino churapjjäna (Sl 69:20, 21; Mt 27:34; Lu 22:44; Jn 19:34; g95-S 22/10 pág. 31 párr. 4; it-2-S pág. 669).
LUPʼIÑATAKI: ¿Kunatsa Jehová Diosajj Mesías toqet parlir profecianak Hebreo arut Qellqatanakar qellqaypachäna?
2. Suma yatichäwinak Bibliat thaqapjjañäni
(10 min.)
-
Sl 69:30, 31. ¿Kunjamsa uka qellqatajj oracionanakasajj jukʼamp sumäñapatak yanaptʼi? (w99-S 15/1 pág. 18 párr. 11).
-
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Sl 69:1-25 (th lección 2).
4. Paciencianïñasawa: Kunsa Jesusajj luräna
(7 min.) Tantachasirinakaruw jisktʼäta. VIDEO uñtayäta, ukatjja lmd 8 yatichäwi, 1, 2 puntonakatwa yatjjatapjjarakïta.
5. Paciencianïñasawa: Jesusat yateqasim
(8 min.) Tantachasirinakaruw jisktʼäta. Ukajja lmd 8 yatichäwi, 3-5 puntonaka ukat “Aka textonakwa liytʼarakisma” siski ukarjamäñapawa.
Canción 134
6. Congregacionataki ewjjtʼanaka
(5 min.)
7. Familiampi Bibliat yatjjatañatak suma yanaptʼanaka
(10 min.) Tantachasirinakaruw jisktʼäta.
Enero, 2009 maranjja, Taman Librot Yatjjatañataki sat tantachäwejj Diosan Arunakap Yatiyañatak Escuelampi ukat Yatiyañataki Tantachäwimp juntukiw semanan uka pachpa urun apasjjani sasaw yatiyasïna. Uka amtar purisitapatjja, familianakajj semanan mä tarde jan ukajj mä aruma Familiampi Bibliat yatjjatañatakejj tiemponëjjapjjänwa. Waljaniw uka suma amtar purisitapat yuspärapjje. Jupanakarojj Jehová Diosar jukʼamp jakʼachasiñataki, jupanakkamas maynit maynikam mayachtʼatäñatakiw yanaptʼawayi (Dt 6:6, 7).
Jumatï familia pʼeqtʼirïsta ukhajja, aka yanaptʼanakaw sumäñapatak yanaptʼätam:
-
Janipun jaytamti. Puedischi ukhajja, semanan kuna urusa, kuna horarus yatjjatapjjasma uk amtam. Mä kun utjipan uka urojj jan ukajj uka horajj jan puedkasma ukhajj kunsa lurasma uksa amtarakim.
-
Kuna toqetsa yatjjatapjjäta uk wakichtʼasim. Esposamarusa, awisajj wawanakamarusa, kuna toqetsa yatjjatapjjasma uk jisktʼam. Familiamarutï sapa semanajj uka pachpa lurañajj gustchi ukhajja, wakichtʼasiñatakejj janiw jaya tiempo aptʼasiñamäkiti.
-
Familiamatakjamaw programam wakichtʼañama. Wawanakajj urut urutjam jilsjjapjje ukhajja, jukʼampiw kuns amuyjjapjje, puedjjapjje, kunan yanaptʼatäñtï munapki ukas cambiyjjarakiwa. Kuntï yatjjatapkäta ukajj familiaman sapa mayniruw Diosar serviñan jukʼamp jiltañapatak yanaptʼañapa.
-
Munasiña jan ajjsarañ utjañapatakiw chʼamachasiñama. Suma urüskchi ukhajja, awisajj anqanwa estudiapjjasma. Samartʼañ wakiskani ukhas samartʼapjjapunin. Cheqas awisajja, familian mä kunat parlañas wakisiniwa, ukampisa Familiampi Bibliat yatjjatañataki wakichäwejj janiw toqeñatakïkiti ni cheqañchañatakïkisa.
-
Janiw mä pachpaki sapa semanajj lurañamäkiti. Sañäni, inas tantachäwitak utjki ukanakat may wakichtʼasipjjchisma, Internetan jw.org cheqankir mä video uñtasin uka toqetwa parltʼapjjasma, predicañatakiw ensaytʼapjjasma. Familiampi Bibliat yatjjañataki wakichäwejj Biblian parlki uka temanakat familjam mayachtʼata yatjjatañatakïkchisa, familian sapa maynis Bibliat uka horasan yatjjatapjjarakismawa.
Akham jisktʼäta:
-
¿Familiampi Bibliat yatjjatkasajj uka ewjjtʼarjam lurañatakejj kunsa lurta?
8. Congregacionan Bibliat yatjjatañataki
(30 min.) bt cap. 13 párrs. 8-16, ukat 119 paginankir recuadrompi.
