Niyakejjay videonakajj uñjañataki, istʼañataki suma wakichtʼatächejja, jaqenakarojj chuymaparuw purtʼi. Video uñjasajj janiw jankʼak armktanti. Ukham yatichañjja, Jehová Diosatwa yateqastanjja Jupajj ukhamwa yatichirïna (Hch 10:9-16; Apo 1:1).

¿Diosajj sutinïpachati?, ¿Bibliajj khitin amuytʼayatasa?, Bibliajj confiykañ librowa, ¿kunatsa ukham sissna? sat videonakajja, Suma yatiyäwinaka sat folleton 2 ukat 3 yatichäwinakap jukʼamp amuyañatakiw yanaptʼi. Ukat ¿Kunatsa Bibliat yatjjatañama?, ¿Kunjamsa Bibliat yatichasi?, ¿Kunjamsa tantachäwinakajj apasi? sat videonakajja, Bibliat jiwasampi yatjjatapjjañapataki ukat tantachäwinakasar jutapjjañapatakiw jaqenakar yanaptʼi. Yaqhep videonakasajja, jaqenakar Bibliat yatichañatakiw apnaqasiraki ​—(Km 5/13 jana 3).

• Kawkïr videompis yatiyañäni ukjja, jayäkipanwa apaqañasa.

• Videon qhanañchki ukarjamaw maya jan ukajj pä jisktʼanak wakichtʼasiñasa.

• Utanimpiw video uñtañasa.

• Wakiskirïki ukanakatwa utanimpi yatjjatañasa.

• Tratadon qhepa janapan Internetar cheqak mantañatak (QR) utjki ukwa uñachtʼayañasa, ukajj ¿Kunatsa Bibliat yatjjatañama? sat videoruw api.

• Bibliajj confiykañ librowa, ¿kunatsa ukham sissna? sat video uñtayañasa ukat Suma yatiyäwinaka folleton 3 yatichäwipat qhanañchtʼasaw folleto jaytañasa.