KUNATSA WALI AMUYUMPI APNAQAÑASA. Redes sociales ukanakajj yanaptʼistaspawa, jan ukajj jan waliruw apistaspa. Yaqhep jilat kullakanakajj ukanak jan apnaqañwa amtapjje, yaqhepajj familiapampi, amigonakapampi parltʼasiñatakiw apnaqapjjaraki. Supayajja, ukanak apnaqasin jan wali jaqet uñtʼayassna, Diosatsa jitheqtsna ukwa muni. Ukampis Biblian yatichäwinakapaw Jesusjam jan walinakat amuyasiñatakisa, ukanakar jan purtʼasiñatakis yanaptʼistu (Lu 4:4, 8, 12).

KUNA JAN WALINAKAS UTJASPA

• Tiemp aptʼasiña. Walja horanak redes sociales ukanak apnaqañasa, Internetan utjki ukanak may maya uñchʼukiñasa, Diosar serviñatwa tiempo apaqestaspa.

  Biblian yatichäwinakapa: (Ef 5:15, 16; Flp 1:10)

• Jan walinak uñchʼukiña. Internetan jan isini jaqenak uñchʼukisajja, pornografía uñchʼukiñaruw yatintsna, jan ukajj qʼañu jucharuw purtʼassna. Diosan markap contra saytʼirinakan qellqatanakap Internetan liyiñajja, Jehová Diosatwa jitheqtayistaspa.

  Biblian yatichäwinakapa: (Mt 5:28; Flp 4:8)

• Jan wakiskir arunaka, fotonak apkataña. Chuymasajj engañjiriwa, ukatwa jan wakiskir arunaksa, fotonaksa redes sociales ukar apkatañ munsna, ukham lurasajj jan wali jaqetwa uñtʼayassna, yaqhanakarus Jehová Diosat jitheqtaysna.

  Biblian yatichäwinakapa: (Ro 14:13; Ef 4:29)

REDES SOCIALES UKANAK WALI AMUYUMPIW APNAQAÑAMA SAT VIDEO UÑTASAJJA, KUNAS AKA JAN WALINAKAR JAN PURTʼASIÑATAK YANAPTʼIRISTAM UK AMUYTʼÄTA: