Janïr mä amtar purkasajja, ¿Jehová Diosajj kamspachasa sasin jisktʼastanti? Diosajj kunsa amuyi uk janis taqpachpun yatkchiñänejja, ‘taqe suma luräwinak lurañatak suma wakichtʼatäñatakejj’ kunsa lurañasa uk Bibliaw qhanañchistu (2Ti 3:16, 17; Ro 11:33, 34). Jesusajj kunas Diosan munañapajj uk sumwa amuyäna, ukatsti ukwa jakäwipan nayrar ucharakïna (Jn 4:34). Jiwasajj Jesusjamarakiw Diosar kusisiykir suma amtanakar puriñatak chʼamachasiñasa (Jn 8:28, 29; Ef 5:15-17).

KUNAS DIOSAN MUNAÑAPAJJ UK AMUYASIPKAKIÑÄNI (LE 19:18) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa Biblian wiñay yatichäwinakaparjam sarnaqañasa?

• Musicanak ischʼukiñ ajllkasajja, ¿Biblian kawknïr wiñay yatichäwinakapsa amtañasa?

• Kunjamsa isisiñäni, kʼachachtʼasiñäni ukanak ajllkasajja, ¿Biblian kawknïr wiñay yatichäwinakapsa amtañasa?

• ¿Kunanakansa Biblian wiñay yatichäwinakaparjam sarnaqañasaraki?

• ¿Diosan munañapajj kunasa uk kunjamsa jukʼamp sum amuysna?