¿Kunampis kusistʼañäni uk kunatsa sum ajlliñasa? Kunanakatï mä peliculansa, cancionansa, Internetansa, libronsa, anatañatak videonakansa utjki ukanakajja, pʼeqesaruw manti, ukatjja ukarjamaw kuns lurtanjja, ukatwa sum ajlliñasa. Ukampis jichha tiempon utjki uka kusistʼañanakat jilapartejja, kuntï Jehová Diosajj uñiski ukanakamp phoqantatawa (Sl 11:5; Gál 5:19-21). Ukatwa Bibliajj kunanakatï Jehová Diosar jachʼañchkaspa ukanakat lupʼiñasatak chʼamañchistu (Flp 4:8).

¿KUNAMPIS ANATAÑAJÄSPA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• Nayrajj kunjamtï Roma markan nuwasipjjerïkäna ukajja, ¿kunansa jichha tiempon utjki uka yaqhep kusistʼañanakampi niya kikpakïpjje?

• ¿Kunjamsa jilat kullakanakajj wayn tawaqonakar kusistʼañanak sum ajllipjjañapatak yanaptʼapjjaspa?

• ¿Kunjamsa Romanos 12:9 textojj kusistʼañanak sum ajlliñatak yanaptʼistu?

• Jakasktan uka cheqan utjir kusistʼañanakatjja, ¿kawkïrinakas Diosatak walikïski?