Jehová Diosar walja maranak serviri jilat kullakanakajj congregacionasan utjpachawa. Kunjamsa jupanakajj Jehová Diosar confiyawayapjje ukanakat waljanakwa yateqasipjjsna. Nayrajj Diosan markapajj kunjamänsa, kunjamsa jupanakajj Diosan yanaptʼapampi jan walinakarojj saykatawayapjje ukanakwa jisktʼsna. Familjam Bibliat yatjjatkasajja, experiencianakap cuenttʼapjjañapatakiw jupanakat maynir invittʼsna.

Jumatï walja maranak Jehová Diosar serviskstajja, wayn tawaqo jilat kullakanakaruw experienciam cuenttʼasma. Jacobojj kunsa Jehová Diosajj jupa layku luratayna taqe ukanakwa wawanakapar cuenttʼäna, Joseas ukhamarakiw luräna (Gé 48:21, 22; 50:24, 25). Uka qhepatjja, kuna musparkañanaktï Diosajj lurkäna ukanak wawanakapar yatichapjjañapatakiw Jehová Diosajj awk taykanakar mayïna (Dt 4:9, 10; Sl 78:4-7). Jichha tiemponjja, awk taykanakasa jan ukajj congregacionankir jilat kullakanakasa, ukhamarakiw kuna musparkañanaktï Jehová Diosajj markap toqe lurawayi ukanak wayn tawaqonakar cuenttʼapjjaspa.

UÑISIÑAT ARKNAQATAS UÑJASIPKCHIYÄTJJA MAYACHTʼATÄPJJAYÄTWA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• Kawkjantï Diosan markapajj jarkʼatäkäna uka markanakanjja, ¿kunjamsa Austria markankir sucursalajj jilat kullakanakar yanaptʼäna?

• ¿Kunsa jilat kullakanakajj Jehová Diosar jukʼamp confiyaskakiñatakejj lurapjjäna?

• ¿Kunatsa Rumania markankir walja yatiyir jilat kullakanakajj Jehová Diosan markapat jitheqtjjapjjäna, ukat kunjamsa kuttʼanjjapjjarakïna?

• ¿Kunjamsa uka videojj Jehová Diosar jukʼamp confiyañatak chʼamañchtʼawaytam?