BIBLIAN SUMA YATICHÄWINAKAPA | JOB 1-5
Job chachajj jan walin uñjaskasas janipuniw Diosat jitheqtkänti
Israelitanakajj Egipto markan esclavösipkäna uka pachaw Job chachajj Uz markan jakäna. Jupajj janis israelitäkchïnjja, Jehová Diosar jan jitheqtasaw yupaychäna. Jachʼa familianïnwa, wali qamirirakïnwa. Markapansa wali aytat jaqerakïnwa, yatiñani ukat cheqaparjam sarnaqer chachänwa. Pisinkirinakarus khuyaptʼayarakirïnwa. Jupajj Diosampipuniw sarnaqäna.
Job chachatakejj Diosaw jukʼamp wakiskirïnjja
-
Job chachajj Dios chuymätapsa Diosat jan jitheqtirïtapsa Supayajj yatïnwa. Diosar istʼirïtapatsa janiw pächaskänti; antisas kunatsa Diosar ukham yupaychäna ukanakat pächasiyañ munäna.
-
Job chachajj bendicionap laykukis Diosar yupaychkaspa ukhamwa Supayajj kʼarintäna.
-
Ukajj cheqapunïskiti janicha uk qhanstañapatakejja, Diosajj yantʼañapatakiw Supayar jaytäna. Supayasti kunayman jan walinakampiw Job chachar yantʼäna.
-
Job chachan Diosat jan jitheqtatapatjja, taqe jaqenakajj Diosar bendicionap laykukiw yupaychapjje sasaw Supayajj kʼarisjjarakïna.
-
Job chachajj kunayman jan walinakan uñjkasasa, janiw kuna juchsa lurkänti ni Diosarus juchañchkarakïnti.
