CRISTIANJAM JAKAÑATAKI
Jesusan jakäwip loqtasitap laykuw jaktañajj utji
Jesusan jakäwip loqtasitap laykojj kuna bendicionanaktï katoqkañäni ukanak lupʼiñatakiw Jesusan jiwäwip amtañajj yanaptʼistu. Ukanakat mayajj jiwatat jaktañawa. Jehová Diosajj janipuniw khitin jiwañapsa munkänti. Ukatwa mä munat familias jiwi ukhajj wali llakita jikjjatastanjja (1Co 15:26). Jesusajj Lazaron jiwatapat arkirinakapar jachir uñjasajja, wal chuymap chʼalljjtayasïna (Jn 11:33-35). Jupajj Awkipar uñtasitawa ukhamajja, Jehová Diosajj munat familias jiwipan jachktan ukhajj wal sinttʼasirakistu (Jn 14:7). Diosajj Jupar jan jitheqtas loqtawayapki uka servirinakapar jaktayañ uru jankʼak puriñapwa muni, jiwasas ukhamarakiw wal muntanjja (Job 14:14, 15).
Niyakejjay Jehová Diosajj taqe kunsa yäpar sum lurasiñap munir Diosächejja, ukhamajj jiwatanakajj janiw mayaki taqpachanejj jaktanipkaniti, jan ukasti jiwatarjamaw jaktanipjjani (1Co 14:33, 40, NM). Kawkhantï jiwatanakajj imaski ukan jachañat sipansa, wali kusisitaw jaktanirinakar katoqjjañäni. ¿Jumajj uka toqet lupʼirïtati, yamas mayni jiwjje ukhanakajj lupʼirïtati? (2Co 4:17, 18). Jehová Diosarojj ¿jaktayañ utjayatapatsa, Biblia toqe ukanak yatiyatapatsa yuspärtati? (Col 3:15).
-
Kawkïr jiwat familiamarus jan ukajj amigomarus ¿wal uñjañ munta?
-
Biblian qellqatäki ukanakat ¿kawkïrinakarus uñtʼañ munasma ukat khitimpis parlañ munasma?