SUM YATICHAÑATAK CHʼAMACHASIÑÄNI
Jukʼamp sum yatiyañataki: kunjamsa revistanakampi yatiyir sarsna uk pachpa arunakasampi qellqtʼasiñäni
KUNATSA UK LURAÑAJJ WAKISI: Tantachäwin yatjjatañataki sat wakichäwin mistki uka yanaptʼanakajja, yatiyañatakejj mä suma yanaptʼawa, ukampis janiw kunjam qellqatäkiti ukarjam lurañapun wakiskiti. Pachpa arusarjamaw mayjtʼaysna, jan ukajj territoriosan kuna toqettï jaqenakajj yatiñ munapki ukarjamaw yatiyaraksna. Ukatakejja, nayraqat revista liytʼañasa, ukjjarusti yatiyañatak yanaptʼanaksa videonaksa uñakiptʼañasarakiwa, ukarjamaw kunjamsa yatiyañ qalltsna uk pachpa arusarjam wakichtʼassna.
KUNJAMSA UK LURSNA:
Yatiyañatak yanaptʼanakajj utjki ukarjamati ¿lurañäni?
JÏSA
-
Kunjamsa yatiyañ qalltañäni uk wakichtʼasiñasawa. Utanir aruntasajja, kunatsa visittʼasktan ukwa mä jukʼa qhanañchtʼañasaraki. (Inas akham sissna: “Nanakaw visittʼasipkta, kunattejj...”).
-
Jisktʼasajja, kunjamsa Biblian mä jiskʼa tʼaqap liytʼañäni ukat liytʼasajj kunjamsa revista jaytañäni ukanak wali sum amuytʼasiñasa. (Amuytʼañataki, Biblian mä jiskʼa tʼaqapat qhanañchtʼañatakejja, inas akham sissna: “Bibliajj akham sasaw qhanañchi”).
JANIWA
-
Kuna toqetsa jaqenakajj yatjjatañ munapjjaspa ukanakwa revistat ajlliñasa.
-
Kunjam jisktʼa jisktʼañas wakisispa, ukhamat utanejj arstʼañapataki ukjjatsa amuytʼañasarakiwa, ukampis janiw utanir mayjtʼayirjam jisktʼañasäkiti. (Amuytʼañataki: revistan payïr janapan uñstki uka jisktʼampiw yatiysna).
-
Mä jiskʼa tʼaq ajlltʼasajj liytʼañasarakiwa. (¡Despertad! revistampi yatiykañäni ukhajja, sapa maynitäjjewa ¿kunatsa? Uka qellqatajj khitinakatï Bibliat jan sum yatipki jan ukajj religionanakar jan confiyapki ukanakatakiwa).
-
Kunjamsa uka yatichäwejj yanaptʼaspa uk amuytʼayañatakejja, mä qawqha arunak wakichtʼasiñasa.
JAN UKAJJA
-
Kuna jisktʼsa jutïritaki jaytsna uksa wakichtʼasiñasarakiwa.
-
Kunjamsa jutïrin sañäni ukjja qellqtʼat apasiñasa.